„Најдовме еден вид компромис за Законот за мали прекршоци, додека за техничката влада воопшто се согласивме дека таа треба да остане во минатото“, изјави премиерот и претседател на ВМРО-ДПМНЕ, Христијан Мицкоски по денешната средба на лидерите во Клубот на пратеници.
Според Мицкоски, доколку нема согласност меѓу сите пратенички групи за прифаќање на предлогот за укинување на Пржинската влада, тој треба да важи и за следните избори, а потоа да се укине.
Но, како што оцени, ќе треба да се направат измени во Законот за Влада бидејќи има промени во ресорите.
„Денес јавноста беше сведок на поинаков пристап – отворена, конструктивна дебата исполнета со предлози и идеи. Беа покренати многу прашања. Предложив дебатата да продолжи на ниво на пратенички групи бидејќи ние сме за надминување на проблемите, а не за создавање нови“, нагласи Мицкоски.
На состанокот присуствуваа коалициските партнери во Владата, меѓу кои и градоначалникот на Тетово, Билал Касами од коалицијата „ВЛЕН“, како и генералниот секретар на ЗНАМ и министер за јавна администрација, Горан Минчев. Од опозициските пратенички групи беа присутни лидерите на ДУИ и „Левица“, Али Ахмети и Димитар Апасиев.
Лидерот на СДСМ, Венко Филипче, кој ја одби поканата на Мицкоски, не дојде на состанокот.
The post Мицкоски: Се согласуваме за укинување на техничката влада, најдовме еден вид компромис за Законот за помали прекршоци appeared first on Во Центар.
