Патнички воз синоќа удри во урнат потпорен ѕид во близина на Барселона, при што загина машиновозачот, а 37 лица беа повредени.
Се верува дека четири лица се критично повредени по инцидентот во каталонскиот регион во североисточна Шпанија, изјави за новинарите портпаролот на регионалната противпожарна служба, Клауди Гаљардо.
Инцидентот се случи во вторник, само два дена откако два брзи возови се судрија во Андалузија на југот од земјата, при што загинаа 42 лица.
Повеќе од 120 лица беа повредени, а шпанскиот премиер Педро Санчез прогласи тридневна национална жалост поради неодамнешната несреќа.
„Потпорен ѕид се урна врз шините, предизвикувајќи несреќа во која учествуваше патнички воз“, соопшти регионалната агенција за цивилна заштита на своите профили на социјалните мрежи.
На местото на несреќата во предградието на Барселона беа испратени 20 амбулантни возила и 38 противпожарни единици.
Фотографиите од местото на несреќата се доста шокантни: пожарникари може да се видат на местото на несреќата, додека некои делови од возот изгледаат целосно смачкани и деформирани.
The post Шокантни фотографии по несреќата во Барселона: Делови од воз смачкани, бројот на повредени се искачи на 37 appeared first on Во Центар.
