Германија планира да стане првата земја во Европа што ќе развие сопствен сателитски систем за рано откривање на балистички ракети, наведувајќи ги како клучна причина безбедносните закани што, според Берлин, доаѓаат од Русија, пишува „Фајненшл тајмс“.
Според „Фајненшл тајмс“ , одлуката е донесена како дел од поширока промена во германската безбедносна политика, со растечка загриженост за развојот на руските ракетни технологии и растечките геополитички тензии во Европа.
Бундесвер: Европа е премногу зависна од САД
Германскиот Бундесвер оценува дека Европа во моментов е премногу зависна од Соединетите Американски Држави кога станува збор за системи за рано предупредување и противракетна одбрана.
– Европа мора да располага со сопствени средства за рано откривање и пресретнување на ракетни закани – велат германските воени претставници, посочувајќи дека сегашната зависност од американската инфраструктура претставува стратешки ризик.
Берлин, како што се наведува, ги забрзува своите планови токму поради динамиката на развојот на современите руски ракетни системи, но и поради неизвесноста околу долгорочната безбедносна политика на САД кон европскиот континент.
Милијарди евра за воено-вселенски технологии
Како дел од овие планови, Германија има намера да инвестира дури 35 милијарди евра во развој на воено-вселенски технологии до 2030 година. Тие средства ќе бидат насочени кон изградба на сателитска мрежа способна да детектира лансирања на балистички ракети во реално време и да овозможи навремен одговор на системот за противракетна одбрана.
Овој потег претставува еден од најамбициозните проекти во историјата на германската одбранбена политика и сигнализира значително зајакнување на воената улога на Берлин во рамките на европската безбедносна архитектура.
Според аналитичарите, германската иницијатива би можела да стане основа на иден заеднички европски систем за рано предупредување, но и дополнително да го продлабочи безбедносниот јаз меѓу Западот и Русија.
The post Доаѓаат ракети?! Германија донесе панична одлука поради Русија: Берлин очекува сценарио од најлошите кошмари appeared first on Во Центар.
