Централната команда на САД (CENTCOM) објави видеа од денешните напади на Соединетите Американски Држави врз Иран.
На снимката се гледаат ракети лансирани од воен брод, борбени авиони полетуваат од носач на авиони, како и напади врз ирански средства, вклучително и дрон на земја.
„Како што изјави претседателот, нашата цел е да го заштитиме американскиот народ со елиминирање на непосредните закани од иранскиот режим. Претседателот нареди решителна акција. Силите на ЦЕНТКОМ извршуваат силен и одржлив удар“, се вели во соопштението на ЦЕНТКОМ.
За време на нападите врз Иран во саботата, американската војска за прв пат употреби еднонасочни дронови за напад во борбени операции.
As the President stated, our objective is to defend the American people by eliminating imminent threats from the Iranian regime.The President ordered bold action. CENTCOM forces are delivering an overwhelming and unrelenting blow. pic.twitter.com/B0k5gV4YnU— U.S. Central Command (@CENTCOM) February 28, 2026
„Првите часови од операцијата вклучуваа прецизно оружје лансирано од воздух, од копно и од море. Дополнително, единицата за напад „Скорпион“ на ЦЕНТКОМ за прв пат користеше евтини, еднонасочни дронови за напад во борба“, се вели во соопштението на Централната команда на САД.
Работната група „Скорпион Страјк“, еднонасочна единица за напад со беспилотни летала формирана од ЦЕНТКОМ минатата година, користи дронови изградени откако американските експерти го реконструираа иранскиот дрон „Шахед“, кој беше запленет од САД пред неколку години.
Штетата врз американските инсталации била минимална и не влијаела врз операциите, според ЦЕНТКОМ.
ЦЕНТКОМ соопшти дека воената операција, наречена „Операција Епски бес“, започнала во 1:15 часот по источно време (ET) во саботата со цел „демонтирање на безбедносниот апарат на иранскиот режим, со приоритетна акција на локации што претставуваат непосредна закана“.
Пронајдете не на следниве мрежи:
