Израелската војска предупредува дека ќе продолжи да гони секој наследник на убиениот врховен лидер на Иран.

Во објава на X на персиски јазик, израелската војска предупредува дека ќе го гони и секое лице кое сака да назначи наследник за ајатолахот Али Хамнеи, осврнувајќи се на свештеничкото тело задолжено за избор на врховниот лидер на Исламската Република.

„По неутрализирањето на тиранинот Хамнеи, терористичкиот режим на Иран се обидува да се обнови и да избере нов лидер“, се вели во објавата на ИДФ. „Иранското собрание на експерти, кое не се состанало со децении, наскоро ќе се собере во градот Ком. Сакаме да ви кажеме дека раката на Државата Израел ќе продолжи да гони секој наследник и секое лице кое сака да назначи наследник“, предупредува војската.

„Ги предупредуваме сите оние кои имаат намера да учествуваат на состанокот за избор на наследник дека нема да се двоумиме да ве таргетираме и вас“.