Министерката за образование и наука најави лиценцирање на училишни психолози за откривање на разни видови проблеми во училиштата и преземање мерки. Таа ќе побара од Комората на психолози да организира дополнителна обука за психолози, бидејќи некои студирале според старите програми, а други според новите.
Во врска со случаите на педофилија кај наставниците, Јаневска изјави дека има многу проблеми во образованието, но, рече таа, ова е еден од најтешките и преземени се мерки за справување со него. Случаите, кои се познати на јавноста, нагласи таа, се обработени од Државниот инспекторат за образование и се пријавени и во полицијата и во обвинителството.
„Уште еднаш им се обраќам на наставниците, кои се колеги на оние што го сториле незаконското дело, но се и наставници на ученици кои мора да бидат заштитени од оние што вршат неприфатливи дејствија. Ќе го зајакнеме практичниот испит бидејќи таму се потребни промени и, покрај тоа, ќе покренеме иницијатива за лиценцирање на психолози, чија главна улога ќе биде да детектираат какви било проблеми во училиштето и да преземаат мерки. Лиценцирањето ќе важи за целата нивна работа.
„Постојат и други алатки што ги применуваме. Сè што е забележано се пријавува до надлежните институции“, изјави денес Јаневска.
The post Јаневска: Ќе почнеме со лиценцирање на психолози за откривање на проблеми во училиштата appeared first on Во Центар.
