Рускиот претседател Владимир Путин денес изјави дека Москва е подготвена да обезбеди гориво „за брзорастечките кинески пазари“.
Зборувајќи на заедничката прес-конференција со кинескиот претседател Си Џинпинг, Путин рече дека двете земји „активно соработуваат во енергетската сфера“.
Рускиот шеф на државата изјави дека Москва ќе обезбеди „непрекинато снабдување“ со различни видови гориво , вклучувајќи нафта, природен гас и јаглен.
Путин додаде дека „Росатом“ успешно работи во Кина и дека реактори дизајнирани од Русија, кои моментално се во изградба, ќе придонесат многу за кинеската економија, снабдувајќи ги бизнисите и домаќинствата со евтина и чиста енергија.
„Руско-кинеските односи достигнаа фантастично ниво“
Рускиот претседател Владимир Путин изјави пред посетата на Кина дека односите меѓу Москва и Пекинг достигнаа фантастично ниво и претставуваат стратешко партнерство засновано на доверба, еднаквост и заедничка посветеност на глобалната стабилност, мир и мултиполарен свет.
„Редовните меѓусебни посети и одржувањето руско-кинески преговори на највисоко ниво се важен, неразделен дел од нашите заеднички напори за развој на целиот спектар на односи меѓу двете земји, отклучувајќи го нивниот навистина неограничен потенцијал“, рече Путин, според порталот Sputnik.rs.
Тој потсети дека пред 25 години, Русија и Кина го потпишаа Договорот за добрососедство, пријателство и соработка, со што се постави солидна основа за воспоставување вистинска стратешка соработка и сеопфатно партнерство во корист на нашите земји и народи.
The post Путин подаде рака: „Ќе ви дадеме гориво“ appeared first on Во Центар.
