Пакистанската полиција спроведе драматична спасувачка операција на северозапад од земјата, ослободувајќи 54-годишна француска државјанка и нејзините пет деца од години пекол.
Жената им кажала на истражителите дека нејзиниот сопруг ја држел во заробеништво повеќе од десет години, во текот на кои била изложена на брутално семејно насилство.
Жртвата, идентификувана како Силви Јасмина, била спасена од дотраена куќа од кал во Бари, град во покраината Хајбер Пахтунква, кој се наоѓа близу до границата со Авганистан.
„Нејзиниот сопруг беше веднаш уапсен и во тек е сеопфатна истрага“, потврди локалниот началник на полицијата, Вакар Ахмад.
Овој долгогодишен ужас заврши благодарение на храброста на еден од синовите на несреќната жена. Момчето успеа незабележано да ја напушти силно чуваната куќа и да стигне до локалната полициска станица, каде што раскажа низ што минуваат неговата мајка, браќа и сестри.
Полицијата веднаш реагираше и упадна во зградата. Споредначалникот на полицијата Ахмад, жената и нејзините деца биле пронајдени заклучени во трошна, запуштена соба.
Французинката имала видливи и свежи траги од сериозни физички повреди на лицето.
Јасмина им рекла на истражителите дека не можела слободно да живее или да излегува надвор откако се преселила во Пакистан со својот сопруг во 2014 година. Таа тврдела дека нејзиниот сопруг физички и психички ја злоставувал секојдневно.
За да биде уште полошо, нејзините пет деца никогаш не биле запишани на училиште, ниту им бил дозволен контакт со надворешниот свет во нивните животи.
Семејното насилство останува системски проблем во Пакистан. Групите за човекови права предупредуваат дека секоја година стотици жени пријавуваат тешка злоупотреба од своите сопрузи, додекаогромен број случаи остануваат непријавени поради страв.
The post Хорор во Пакистан: Французинка и пет деца се држат во заробеништво од сопругот повеќе од 10 години appeared first on Во Центар.
