За време на промотивната турнеја за филмот „Спајдермен: Сосема нов ден“, Зендаја привлече внимание во Париз со моден избор кој покажа дека впечатливиот стил не мора да значи луксуз.
Актерката на фотосесијата се појави во преголема црна маица со графика од Спајдермен, која ја носеше како мини фустан. Комбинацијата ја надополни со бели потпетици, висечки сребрени обетки и елегантен часовник.
Особено внимание привлече фактот дека маицата е купена на eBay за 35 долари.
Оваа информација подоцна ја потврди нејзиниот стилист Ло Роуч, кој сподели фотографија од облеката на социјалните мрежи, нагласувајќи дека добриот стил не мора секогаш да биде поврзан со високи трошоци.
Актерката така продолжи со серијата модни изданија инспирирани од светот на Спајдермен, кои започнаа еден ден претходно во Рим. За нејзиното појавување во Рим, таа носеше 35-годишен фустан од Џорџо Армани со дезен инспириран од пајакова мрежа.
Покрај модните изданија, вниманието на јавноста го привлекува и развојот на ликот што Зендаја го толкува во новото продолжение на франшизата.
Во „Спајдермен: Сосема нов ден“, актерката ја повторува својата улога како Мишел Џонс, попозната како МЈ. Приказната се одвива четири години по настаните од „Спајдермен: Нема пат кон дома“, кога магија за бришење спомени го избриша Питер Паркер од умовите на оние што го познаваа.
МЈ сега студира на МИТ со Нед Лидс, фокусирана на образованието и ново поглавје во животот. Во меѓувреме, таа започна нова врска, што дополнително ја комплицира ситуацијата кога Паркер повторно се појавува во нејзиниот живот.
Откако магијата ги избриша сите спомени за него, МЈ повеќе не ја препознава Паркер. Сепак, низ целата приказна, таа останува прикажана како интелигентна, независна и емоционално стабилна личност.
Зендаја претходно го опиша филмот како исклучително емотивен и им порача на обожавателите да подготват марамчиња за одредени сцени. Според извештаите, овој пат актерката имала поголем креативен придонес во обликувањето на својот лик, кој ќе биде претставен во позрела верзија во новото продолжение.
Пронајдете не на следниве мрежи:
