Министерството за здравство, во координација со Министерството за внатрешни работи, ги заврши сите контроли врз правните лица кои одгледуваат канабис за медицински цели.
Како што соопшти Министерството за здравство, пронајдени се бројни неправилности во законските одредби за контрола на психотропни супстанции и наркотични дроги.
Поради оваа причина, со одлука на Владата, одземени се вкупно 13 лиценци за одгледување канабис за медицински цели.
Врз основа на одлуките на Владата, досега се одземени вкупно 13 лиценци за одгледување канабис за медицински цели. При инспекциите, кај некои правни лица се утврдени неправилности кои не претставуваат основа за одземање на лиценцата, но им се дадени упатства за нивно отстранување согласно законските одредби. – Министерство за здравство.
Министерот за здравство Азир Алиу во февруари годинава најави законско решение кое повеќе нема да може да се злоупотребува. Сепак, досега такво решение не е одобрено. Министерството сега објавува дека се во процес на формирање меѓуинституционална работна група, составена од претставници на неколку надлежни институции, која ќе работи на ново законско решение, поточно законски измени на законот за наркотични дроги.
Сомневањата за злоупотреба на канабис за медицински цели започнаа откако во Србија беа запленети 5 тони марихуана, за кои се сомневаше дека потекнуваат од Северна Македонија. По овој случај, властите во земјата запленија 40 тони марихуана од компании со лиценца за производство на канабис за медицински цели, а потоа беа спроведени вонредни инспекции.
The post Конфискувани се 13 лиценци за одгледување канабис за медицински цели и 40 тони марихуана appeared first on Во Центар.
