Тајлер и Лорен Болдин купиле напуштена куќа од 1830 година во Пенсилванија, не сфаќајќи дека голем број змии се населиле на имотот.
Кога Тајлер Болдин и неговата сопруга Лорен купија напуштена камена куќа во Пајн Гроув, Пенсилванија, на аукција кон крајот на 2020 година голем број несакани станари.
Имотот на кој се наоѓа куќата од триесеттите години на 19 век бил оставен на природата со години , па затоа бројни змии се населиле во негова близина . На почетокот, семејството ги гледало речиси секој ден – во дрвјата, меѓу камењата, покрај влезната врата и околу напуштениот базен.
Куќа без подови
Тајлер и Лорен биле привлечени од богатата историја на имотот, вековните дрвја , потокот и шумата што ја опкружуваат нивната мала долина . Иако било јасно дека куќата бара темелно реновирање, тие не сакале да се откажат од можноста да ја вратат во нејзиниот поранешен изглед.
„Зградата беше напуштена со години и тоа беше очигледно. Немаше подови на главниот кат, големото скалиште се уриваше, а кујната беше целосно исчезната“, се присети Болдин.
Сепак, градежните работи не беа нивниот единствен проблем . Запуштената шума, езерото, густата вегетација и купиштата отпад обезбедуваа идеално засолниште за глувци, зајаци и жаби . Голем број мали животни привлекуваа црни и водни змии, но и отровни бакарни змии.
Уште првиот ден, штом го презедоа имотот, видоа црна змија како се качува на огромен јавор во потрага по јајца од дива патка.
„Природно се плашам од змии. Затоа ми беше многу непријатно“, призна Тајлер за „Пипл“.
Тие беа особено загрижени за децата.
Во текот на првите шест месеци од работите, семејството живеело во станот на домарот, кој се наоѓал во шталата на имотот. Лорен во тоа време го очекувала нивното второ дете, додека нивниот постар син бил сè уште мал, поради што морале постојано да се грижат за неговата безбедност.
„ Бевме исклучително внимателни секој пат кога излегувавме надвор. Постојано се грижевме нашиот син и кучето да не талкаат во обраснатите делови од имотот“, вели Болдин.
Брачните другари прво се обиделе да се прилагодат на новата средина. Слушнале дека црните змии го контролираат бројот на глодари и наводно ги спречуваат отровните змии да се населат во нивна близина, па затоа решиле да не ги допираат.
„Секогаш кога објавуваме видео, луѓето ни велат да не ги допираме црните змии бидејќи се корисни. Тоа е нашата политика долго време. Тие се тука за да останат. Но, проблемот е што стануваа навистина огромни. Една беше долга над два метра“, рече Тајлер во 2023 година.
Змии пронајдени во близина на вратата
Нивниот однос со црните змии се променил кога Тајлер забележал дека ги делат своите скривалишта со отровни змии. Ги видел во близина на напуштениот базен, но и под камењата веднаш до влезната врата.
„ Добив впечаток дека нè предадоа, бидејќи не го правеа она за што мислевме дека се корисни. Тогаш почнавме поактивно да ги селиме од дома“, објасни Тајлер.
Наместо да ги убијат, двојката почнала да го модифицира самиот имот за да го направи помалку привлечен за влекачите . Го исчистиле дворот, шумата, градината и старите камени ѕидови, отстраниле отпад и вегетација, ги затвориле отворите на куќата и шталата и го претвориле запуштениот базен во градина . Исто така, го реновирале езерото, поставиле филтри и фонтани, додека околу зградите засадиле нане.
Тајлер, исто така, набавил специјален фаќач со кој безбедно ги отстранува змиите од околината на куќата.
„Секогаш кога ќе видам една од тие змии, земам јадица долга речиси два метра, внимателно ја фаќам и ја ставам во вреќа или кофа. Беше навистина страшно. Откако ќе ја фатиме, едноставно ја носиме подалеку од куќата и ја пуштаме назад во дивината“, рече тој.
The post Купивме куќа од 1830 година со огромен имот, а кога стапнавме во дворот, следеше ужас (ФОТО) appeared first on Во Центар.
Пронајдете не на следниве мрежи:
