Квентин Тарантино, режисерот познат по своите контроверзни филмови, црниот хумор и препознатливото насилство, откри какво строго правило поставува за актерите на своите филмски сетови.
Едно од неговите главни правила се однесува на она што тој го смета за основа на глумата: актерите мора совршено да го познаваат својот текст.
„Моето единствено правило е дека мора да го знаете дијалогот, збор по збор. Кога ќе се појавите на снимањето, мора да го знаете како да играте претстава на Бродвеј четири недели , по шест недели проби. Сè што е помалку од тоа е неприфатливо. Можам да ве отпуштам и да почнам одново“, вели Тарантино .
Тој е шефот на снимањето.
Тарантино го опиша својот начин на водење филм снимен во 2016 година во Ерусалим, а неговата изјава беше објавена од „Варајети“.
„Јас сум капетан на бродот, што значи дека актерите мора да ме слушаат“, рече тој. Сепак, објасни дека неговата цел не е само да ја наметне својата волја , туку да им помогне на актерите да го извлечат максимумот од своите улоги.
„Кога треба да им помогнам на актерите да ја дадат својата најдобра изведба во некоја сцена, јас сум им целосно на располагање. Не е важно дали тоа ќе го направам на мој начин, туку дали ќе се чувствуваат удобно и ќе го дадат својот максимум“, рече тој. Додаде дека е многу внимателен кон актерите и многу разговара со нив насамо.
„Кога режирам, не седам во „видео селото“, односно во просторот со монитори каде што режисерите обично го следат снимањето, и не зјапам во ебаниот телевизор. Додека глумат, седам веднаш до камерата. Нема монитори на мојот сет, седам до камерата и ги гледам директно“, вели Тарантино.
„Кога ја завршуваме сцената, ме гледаат и ме прашуваат што мислам. Ако имам инструкција, одам до нив и разговараме. Не им викам од другиот крај на сетот ниту им велам од другата соба: „Направи го ова, направи го она!“ Разговарам директно со нив и веднаш го решаваме. Многу е интимно“, заклучи тој.
План за пензионирање по десет филмови
Во истиот разговор, режисерот го спомена и својот долгорочен план да се пензионира по снимањето на десет филмови.
„Планирам да застанам на 10. Тоа значи уште два“, рече тој тогаш. До денес, Тарантино има режирано десет играни филмови, од кои последниот беше „Си беше еднаш во… Холивуд“ од 2019 година.
Сепак, подоцна навести дека може да направи уште еден филм, но ќе го смета за посебно дело, надвор од неговиот главен опус. Објасни дека евентуалниот филм ќе биде самостојна приказна.
„Дури и ако на 75 години имам уште една приказна што сакам да ја раскажам, таа сепак ќе функционира бидејќи тие десет филмови ќе бидат една заокружена целина“, вели тој.
Тој додаде дека овој потенцијален „геријатриски“ филм, како што го нарече, ќе постои сосема одвоено од другите. На шега рече дека ќе биде „во дом за стари лица“ и дека нема да го стави на истата полица со првите десет филмови за да не го наруши нивното единство.
The post Без ова, нема снимање со Тарантино: Неговото правило е многу строго appeared first on Во Центар.
