Полицаецот-тепач кој ги нападнал двете лица и им нанел тешки телесни повреди при вршење на контрола, е Албанец вработен како инспектор на крим-полицијата во Скопје, дознава Инфомакс од сопствени извори.

Според неофицијалните информации, внатрешната контрола во МВР веќе има констатирано прекршувања на службените и полициски овластувања, а сите инволвирани полицајци ќе бидат санкционирани.

За случајот алармираа албанските опозициски партии Алијанса за Албанците и ДУИ, кои тврдеа дека се работи за малтретирање на двајца млади луѓе на возраст од 21 и 23 години.

Според записникот во МВР, еден од двајцата приведени лица при проверката го одземал службениот пиштол на еден од полицајците.