Кристијано Роналдо нема дилема кога станува збор за тоа кој е најдобриот фудбалер на сите времиња.
Во разговор со шпанскиот новинар Еду Агире, снимен во Ријад, Португалецот одговори без размислување и се истакна себеси.
Како главен аргумент, тој ги наведе бројките што ги постигнал за време на својата кариера.
„Најдобриот во историјата сум јас, точка. Бројките зборуваат сами за себе“, рече Роналдо.
𝗖𝗥𝗜𝗦𝗧𝗜𝗔𝗡𝗢 𝗥𝗢𝗡𝗔𝗟𝗗𝗢: “I am the 𝗕𝗘𝗦𝗧 𝗢𝗙 𝗔𝗟𝗟 𝗧𝗜𝗠𝗘, period. The numbers 𝗦𝗣𝗘𝗔𝗞 𝗙𝗢𝗥 𝗧𝗛𝗘𝗠𝗦𝗘𝗟𝗩𝗘𝗦.” In an interview with @cnnportugal, Cristiano Ronaldo has spoken out about the pressure to reach 𝟭𝟬𝟬𝟬 𝗖𝗔𝗥𝗘𝗘𝗥 𝗚𝗢𝗔𝗟𝗦 … pic.twitter.com/2n0CDjOA8Q— 433 (@433) October 12, 2026
Ова не е првпат Португалецот јавно да каже дека се смета себеси за најдобар, а слични ставови и претходно изразувал. Со години, дебатата за најдобриот играч на сите времиња се води главно меѓу него и Лионел Меси, а навивачите и експертите сè уште се поделени.
Роналдо зад себе има исклучително богата кариера, во која пет пати ја освои „Златната топка“ и исто толку пати Лигата на шампионите. Со португалската репрезентација го освои Европското првенство во 2016 година, како и две титули во Лигата на нации.
Токму врз ваквите резултати, но и врз рекордите за бројот на постигнати голови, Роналдо го гради своето тврдење дека нема рамен во историјата.
The post Роналдо без никаква скромност за вечната дебата: Најдобриот во историјата сум јас, точка appeared first on Во Центар.
