Скопје, (26.10.2015) Македонците за прв пат ќе можат да уживаат во корејската музика, кинематографија и фотографија за време на „Деновите на Корејската Култура во Скопје“, манифестација која ќе трае од 29ти до 31ви октомври, организирана од страна на Амбасадата на Република Кореја во Бугарија.По тој повод ве покануваме на прес-конференција која што ќе се одржи на 28-ми октомври, среда, од 13 часот во Македонскиот Народен Театар во Скопје. На прес- конференцијата ќе говорат Амбасадорот на Република Кореја во Република Бугарија, Шин Менг-хо, претставници од Министерството за Надворешни работи и Министерството за Култура во Република Македонија, како и членовите на двете популарните музички групи од Република Кореа, Bulsechul и „Nanta“, кои ќе ги отворат „Деновите на Корејската Култура во Скопје“.
Имено, на 29ти октомври во Македонскиот Народен Театар, на отворањето на настанот за кој македонската јавност има голем интерес ќе се одржи музички концерт, „Музика и ритми од Кореја“. Скопје ќе има уникатна можност да слушне традиционална корејска музика изведена од светски познатиот „Bul-se-chul“ ансамбл и мега популарните „Nanta“ – несекојдневно шоу.
Bulsechul е ансамбл кој е составен од осум музичари, од кои седум свират на традиционални корејски музички инструменти (kayageum, geomungo, tegeum, piri, hegeum, adzheng, janggu) и едниот свири на гитара. Музиката која ја создаваат доаѓа од најантичката религија на полуостровот – шаманизмот како и корејската народна музика.
Низ неодоливата импровизација на традиционалните ритмички мелодии, „Bul-se-chul“ успешно го развива својот музички стил, надограден на уникатен начин, давајќи им нов и модерен звук. Вториот дел од концертот е комичниот музички невербален настап „Nanta“, кој доаѓа од традиционалниот корејски инструментален перформанс „Samulnory“. Кујната е нивната позадина, со готвачи како главни ликови. Ножевите и другиот кујнски прибор стануваат музички инструменти во рацете на изведувачите.
Тие ја воодушевуваат публиката со своето акробатско кујнско шоу, изненадна свадбена церемонија, и возбудувачки предизвик со корејски специјалитети. „Nanta“ е едно од најпознатите шоуа во Кореја, уште од својата премиерна изведба во октомври 1997, кога на едно место го има собрано најголемиот број на гледачи во историјата на корејскиот театар.
„Nanta“ е првото азиско шоу кое се појавило на Бродвеј. Нивниот театар е отворен 365 дена во годината, а го имаат посетено над 1 милион странски посетители, а за време на светската турнеја, „Nanta“ до сега настапиле во 51 земја, 289 градови, привлекувајќи странска публика над 2 милиони.
На 30ти и 31ви октомври во Кинотеката на Македонија, ќе се одржи „Корејска Филмска Одисеја“. За време на овие два дена, македонската јавност ќе има можност да погледне некои од најпопуларните корејски филмови: „Ода за татко ми“ (Ode To My Father), „Маскембал“ (The Masquerade), „Монструмот“ (The Host), „Тајно, Величествено“ (Secretly, Greatly), „Кралскиот Кројач“ (The Royal Tailor). Освен „Корејската Филмска Одисеја“ на 30ти и 31ви октомври во Кинотеката на Македонија, сите македонски граѓани ќе имаат можност да ја погледнат изложбата слики на платно со мотиви од Сеул на уметникот Симон Калајџиев и изложбата на фотографии „Впечатоци од Кореја“. Оваа изложба ќе ни ја долови убавината на корејската традиција, истражувајќи ги модерните пејсажи, вкусовите на корејската кујна и скиците на еден патник.
Влезот за сите настани е бесплатен.
Повеќе за „Деновите на Корејската Култура во Скопје“ можете да дознаете на официјалната Facebook страница на Амбасадата на Република Кореја во Бугарија https://www.facebook.com/Korean-Embassy-in-Bulgaria-136183786485879/, како и на официјалниот Facebook настан https://www.facebook.com/events/785207434940347/
ВИДЕО: „Bulsechul“ концерт https://youtu.be/FzwJq_gUTiY
Повеќе за НАНТА https://nanta.i-pmc.co.kr/nanta/Main.aspx
По тој повод ве покануваме на прес-конференција која што ќе се одржи на 28-ми октомври, среда, од 13 часот во Македонскиот Народен Театар во С
