Јогата може да се практикува како за развој на целото тело, така и само за одделни мускулни групи. Денес ви прикажуваме некои од јога вежбите со кои ќе го израмните стомакот и добиете тонирани стомачни мускули.
Препорачливо е оптоварувањето да станува постепено и најпрво да почнете со полесни вежби.
1. Паванмуктасана
За спроведувањето на оваа асана потребно е да легнете на грб на подот. Препорачливо е на мека постела, за да се намалат тензиите и непријатности за кичмата.
Свиткајте ги нозете и фатете ги со раце, а потоа подигнете ја главата така што носот да ги допира колената. Земете длабок здив и држете го околу 30 секунди. Издишете полека и застанете во почетна позиција.
2. Дханурасана
Позата се започнува лежејќи на стомак, но при тоа истовремено, со кревање на горниот дел на торзото, се виткаат и нозете. Свиткајте ги колената и со помош на рацете фатете ги глуждовите и повлекувате ги кон вас. Телото треба да биде во форма слична на лак и притоа не одвојувате го стомакот од подот.
Колената треба да останат собрани во текот на целата вежба. Останете во соодветната асана повторно за околу 30 секунди, потоа полека вратете се во првобитната позиција.
3. Бхуджангасана (прва фотографија)
При следнава асана положбата на телото е со лицето на земјата. Ставете ги рацете под рамениците и со помош на грбните мускули започнете да го кревате горниот дел на телото од земјата. Главата треба да биде во исправена положба. Останете во оваа поза за околу 30-40 секунди.
Со помош на оваа вежба се намалуваат вишокот на масти во пределот на стомакот и се стегаат различни мускулни групи.
4. Пашчимотанасана
Последната aсана е релативно посложена и бара големо внимание и добра флексибилност. Поради оваа причина не се препорачува за почетници.
За целта легнете на грб со раширени раце на страна и релаксирајте го телото. Подигнете се со помош на мускулите на стомакот, додека не застанете во седечка положба, така што грбот треба да е максимално исправен, а рацете испружени напред и собрани. Потоа обидете се да ги допрете прстите на нозете со рацете. Главата треба да се стави меѓу рацете и да ги допре колената. Останете во оваа положба околу 2 минути.
Прочитајте повеќе: Вежби за совршени стомачни мускулиЈога…
