Kираца Трајковска: Љупчо Палевски ми е зет за втора братучедка, а со Сашо имаме старо кумство

Со испитување на сведоци на предлог на Јавното обвинителство во Основниот кривичен суд Скопје денеска во 10 часот ќе продолжи судењето за двојното убиство на малолетната Вања Ѓорчевска и велешанецот Панче Жежовски.

Пред малку пред судот сведочеше Кираца Трајковска мајка на Гоце Трајковски пријател на Александар Ѓорчевски.

Кираца Трајковска

Обвинителство

Тројцата од Велес не ги познавам, Љупчо Палевски ми е зет за втора братучедка, а со Сашо имаме старо кумство

О – Во какви релации сте со семејството Ѓорчевски?

К – тоа е старо кумство, од женидбата на мојот свекор, во добри односи сме до денеска, тие ни се кумови и Саше работеше скоро десет години во Фершпед, јас во Фершпед работев долги години како земеник-генерален директор

О – комунициравте често со семејството Ѓорчевски?

К – порано да, последните години јас сум во Белград, но имаме контакти, со Саше се слушавме да видиме како е, со неговиот татко работевме и деловно и комунициравме приватно

О – Гоце Трајковски комуницираше со Саше?

К – не се имаа видено може десет години

О – кога дознавте дека ова се случило со Вања?

К – видов на Фејсбук, ја видов објавата на Зорица, веднаш препратив на ќерка ми во Белград, му пуштив на Гоце и тој ме праша кое е девојчето, кажав дека е на Саше ќерка, знаеше дека се по полиција, не сакал да им досаѓа. Се работи за девојче кое е во такви години, се сомневавме дека се запознала со некое момче, да се прошетаат, па ѝ било незодно да се врати дома, дали имала комуникации на Фејсбук, ќе слушневме дека во школо комуницирала со некои девојчиња, па комунициравме со нив.

О – кога се слушнавте со Зорица?

К – се сеќавам дека беше вечерта дента кога изчезна, на инсистирање на ќерка ми, напишав порака и на Зорица и на Саше, двајцата ми одговорија, Зорица рече дека се во Беко во станица, а Сашо му напишав да дојде Гоце за да му помогне, на Гоце му го напишав телефонот на Саше да стапат во контакт

О – од која причина му рековте на Гоце да им помогне?

К – сите бевме истражители, за било кое дете да е, не само за друго дете, знам дека Саше е мирен и повлечен и дека во тие моменти родителот поинаку размислува, нема да резонира како што треба. Гоце е поинаков, да му помогне, барале камери, влегувал во кафичи Гоце, во распаднати куќи

О – каде бевте вие?

К – во Белград, кај ќерка ми, комунициравме телефонски

О – кога Гоце се вклучил?

К – наредниот ден веднаш отиде Гоце, вечерта се слушнаа со Саше, наредниот ден отиде

О – Гоце ве известуваше?

К – во секој момент, единствено кога почнавме да досаѓаме со сугестии

О – што ви рече Гоце како конкретно помагал?

К – идеше по куќи кај што има камери, по улица одиш и гледаш

О – што се гледало на тие камери?

К – првиот ден извести дека забележал во зградатана самиот агол кај што е паркингот, нема покривање на влезот, нема камери, рече мене девојчето ми се губи во зградата, од зградата не е излезена, рече непријатно е можда ама ѝ реков на Зорица дали воопшто Вања спиеше тука, сметал дека може излегла вечерта. Рече девојчето е грабнато тука во зградата, да не има некој педофил во зградата, Зорица рекла ги знаеме луѓето, имало во подрумот некоја просторија поголема, викнале некој човек да им отвори ама ја немало.

О – што беше сомнително?

К – ми кажа дека забележале пикап што поминува

О – кој беше епилогот на анализирањето на Гоце?

К – разбравме дека го нема Панче Жежовски, ајде ќе прашаме човекот што кола има, кажаа приближно боја, дека е стара кола, сомнежот го свртевме кон него. Мислевме дека тој ја земал. Јас го поврзав Гоце со роднина, тие комуницираа за возилата

О – се познавате ли со Палевски?

К – да, откога се ожени со братучедка ми, може и претходно

О – со што се занимаваше Палевски?

К – градежништво, трговија и еден период го издаваше весникот

О- имаше ли финансиски проблеми во тој период?

К – порано не, покасно да, ама сите имаме и падови и успони во бизнисот, се решавало институционално

О – кажавте дека сте биле во Белград, кога беше Палевски во Белград се гледавте ли со него?

К – не, јас се обидов неколку пати, кога се случи тоа во Белград баравме со ќерка ми да најдеме адвокат дали ќе му треба, а не можев да стапам во контакт бидејќи беше во притвор

О – колкав период Александа работеше?

К – десетина години работеше кај нас, па отиде во Кометал

О – познато ли ви е дали семејството на Ѓорчевски се познавало со Палевски?

К – не

О – дали ви е познато нешто за станот на Наум Наумовски Борче?

К – единствено дека Ванчо го има купено на времето

О – во моментот на настанот ноември 2023, вам лично дали ви е познато чија сопственост е станот на Наум Наумовски Борче?

К – на Александар

О – од каде ви е познато?

К – со една пријателка летото се дружевме во Охрид, дојдена е Зорица, таа имаше сознание дека Зорица го продала станот, а јас знаев дека после оставинската постапка кој стан чиј е

О – зборувавте дека Гоце ви споделувал се што добивал, меѓу другото и информација за движење на Цитроен

К – се ми испрати

О – дали ви ја испрати снимката од возилото Цитроен?

К – ми испрати слика

О – во однос на сомнителното возило вие глеате слика, што гледате на таа слика?

К – возилото и бојата, сивкаста боја, старо возило

О – дали се гледаат регистарските таблички?

К – не

О – дали се гледа марката на возилото?

К – не

О – кој доаѓа до заклучокот дека е тоа возилото на Панче?

К – јас давам идеја, дека можеби тоа е возилото на Панче, видов дека има исчезнат човек