Една од најголемите дебати кога се бира телефон е дали да се избере iOS или Android? Во оваа статија ќе направиме една споредба помеѓу двата оперативни ситеми со сите нивни предности и недостатоци…
Lock and home screen
Доколку го користиме Lock screen-от на телефонот, тоа е првата работа која ќе ја гледаме секој пат кога ќе го вклучуваме екранот. Навистина е тешко да се одреди кој е подобар, може да кажеме дека во овој случај изборот е работа на вкус. Lock screen-от на iOS 7 е многу едноставен, овозможува лесен пристап до камерата, Control centеr и до Notification center. Наше мислење е дека поубаво ќе беше доколку телефонот се отклучуваше без разлика на која страна ќе го лизгате прстот на екранот.
Сега се отклучува само доколку повлечете од лево на десно. Кај андроид пак, Lock screen – от е многу по флексибилен, можеме да го менуваме со разни опции, не е важно на која страна ќе повлечеме за да го отклучиме телефонот. Lock screen-от и кај двата оперативни системи е задоволителен, но би можел да биде и подобар.
На трите најнови телефони на Apple, iPhone 5, 5s и iPhone 5c, има место за 24 икони на почетниот екран. Кај Android, иако повеќето телефони се со поголеми екрани, можете да ставите 20 икони.Се разбира, ова не е некоја голема предност или недостаток, бидејќи и двата оперативни системи овозможуваат користење на фолдери.

Кај iOS 7 фолдерите се доста по елегантни од Android и немате лимит за тоа колку апликации би можеле да ставите во нив. Кај андроид има лимит од 16 апликации во фолдер.
Дизајнот на iOS 7 е навистина убав, но е премногу статичен, а кај андроид можеме да правиме доста повеќе измени и телефонот станува многу поинтерактивен.
Control центарот додаде функционалности кај iOS кои навистина беа потребни веќе подолго време. Едноставно, повлекуваме со прстот од дното на екранот нагоре и ни излегуваат сите опции.
Ова е достапно кај андроид веќе многу долго време и можеме да кажеме дека е изведено подобро од кај iOS бидејќи е заедно со Notification Bar – от, а кај iOS можеме додека скроламе нешто да го вклучуваме несакајќи control центарот. Како и да е, Apple го направиле многу по елегантен изгледод на iOS, па така на изглед изгледа многу подобро од Android.
Notification центарот е многу по интерактивен кај iOS 7, имате многу повеќе опции за што да се прикажува во него, сите ваши настани од календарот постојано ви се прикажуваат и слично. Кај Android е многу поразличен и не се појавува ништо освен нотификациите.
Предност и кај двата оперативни системи е што може да се пристапи до Notification center од било каде, па и кога телефонот е заклучен.

Можности за модификација на изгледот
Кога доаѓаме до овој дел, Android е водич со неговите widget-и, Live wallpapers и слично. Има и илјадници custom launcher-и кои можете да ги симнете од Play Store. Како и да е, сега Apple направи напредок и на ова поле, но сепак се држи до едноставноста на оперативниот систем, па можностите се мнгоу помали. Еден од најдобрите новитети е наречен parallax ефект кој го менува аголот на прикажување на позадината во зависност од кој агол го гледате вие телефонот.
Повеќе на: GSM.mk