Незабележано е во историјата на американската служба ЦИА да направи преседан со тоа што на Хашкиот трибунал ќе му прати доверлив документ, во кој гарантира за Јовица Станишиќ со цел да му помогне да добие привремен отпуст од притвор во Шевенинген.Благодарение на американските медиуми, јавноста дозна дека Станишиќ осум години бил главен човек на ЦИА во Белград.
Во текстот објавен во „Лос Анџелес Тајмс“ напишан во 2009 година, врз основа на бројни интервјуа со агенти на ЦИА во согласност со агенцијата, што за оваа тајна служба е крајно неочекувано, се наведува дека ЦИА на Хаг му има доставено таен документ од кој прозлезе дека Станишиќ работел за американската разузнавачка агенција „помагајќи во напорите да се склопи мир во регионот“, како и дека за своите „услуги“ никогаш не примил ниту еден долар од Американците. Тоа доведе до шпекулации дека ЦИА всушност беше заслужна за ослободувањето на Јовица Станишиќ и Франко Симатовиќ Френки од притвор во Хаг.
Се чини дека ЦИА со тој потег му ја возврати услугата на Станишиќ.
Грег Милер, новинарот кој го објави ова и самиот бил изненаден од информацијата што ја добил. Со години тој ја следи работата на ЦИА и рече дека во неговата кариера не се случило агенти на тајните служби толку отворено да зборуваат за овој случај.
„Топчидер парк во Белград е совршено место за средба на шпиони“ – со поетски наплив почнува оваа опширна статија.
„Таа вечер во 1992 година, за време на граѓанската војна во поранешна Југославија, Станишиќ се сретна со агентот на ЦИА Вилијам Лофгрен. А потоа двајцата шпиони влегле во тајно партнерство за кој никој не знае“ – се вели во текстот.
Милер пишува дека шефот на Службата за државна безбедност на Милошевиќ, Јовица Станишиќ многумина го сметаа за „мозокот на режимот“, благодарение на кој светот доби нов термин „етничко чистење“.
На офицерот на ЦИА Вилијам Лофгрен, му беше потребна помош поради тоа што ЦИА не знаеше што да прави со Југославија кога изби граѓанската војна. По избувнувањето на конфликтот во Босна и Херцеговина, американската тајна служба сакала да се дојде до разузнавачки вести со инфилтрација, пишува весникот, повикувајќи се дека Станишиќ и Лофгрен на тајни состаноците во чамци и безбедни куќи по должината на реката Сава разменувале информации за функционирањето на режимот на Милошевиќ.
Јовица Станишиќ, пред Хашкиот трибунал се потпирал на американски сојузници. Поранешениот агент на ЦИА Лофгрен, рече дека ЦИА изготви документ со кој ќе покажее дека ” наводно лоша личност направила многу добри нешта.”
„Лос Анџелес тајмс” изјави дека одбраната на Станишиќ во Хаг се засновала врз основа на интервјуа со претставници на САД и на српската разузнавачка агенција. Американсккиот весникот имал пристап до документите, меѓу кои и тие кои се службено евидентирани во српската разузнавачка служба и од извештајот од седум страници за периодот на граѓанската војна во поранешна Југославија, кој е објавен во делови од документите кои Станишиќ ги напишал додека бил во притвор во Хаг.

Станишиќ се претставува како човек кој се обидел да влијае на Милошевиќ да биде умерен и тесно да соработува со ЦИА за да се запре кризата, се вели во текстот.
„Јас сум за институционализирана соработка со американското разузнавање и покрај фактот дека односите меѓу нашите две земји беа многу лоши и дека во голема мера придонесоа за ескалација на конфликтот“ – напишал Станишиќ, а го цитира, „Лос Анџелес тајмс“.
Обвинителот Дермот Грум на судењето во Хаг ги покажал фотографиите на Станишиќ со припадници на специјалните единици, како и видео снимки во кои се гледа како припадници на паравоената единица „Скорпиони“ убиле муслимани.
Поранешниот член на ДБ го оспорува овој дел за злосторства.
„Ние никогаш не сме извршиле геноцид. Напротив, се обидовме да го запреме“ – рече Владо Драгичевиќ, кој со години беше заменик на Станишиќ, се вели во текстот.
Службениците на ЦИА кои работеле во регионот, рекле дека никогаш не налетале на докази дека Станишиќ бил вмешан во воените злосторства. Агентите на американската тајна служба, Станишиќ го сметаат за клучен сојузник.
Исто така, „Лос Анџелес тајмс“ откри дека Станишиќ на состанокот со Лофгрен му предал папка со документи во која биле вклучени дијаграми на засолништа и други објекти кои српските компании ги граделе во Ирак за Садам Хусеин. Сепак, Станишиќ, никогаш не зел ниту еден долар од ЦИА и не бил вклучен во нивните активности. После неколку тајни средби, Станишиќ, наводно го убедил Милошевиќ да му дозволи да се воспостави контакт со ЦИА. Во писмо доставено до Хашкиот трибунал на ЦИА во 2004 година, се вели дека Станишиќ се обидел да спречи некои од воени случувања во Босна во пролетта на 1993 година по налог на ЦИА и под притисок Ратко Младиќ, началникот на Генералштабот на Армијата на РС, го прекинал накратко гранатирањето на Сараево, пишува листот.
„Тој помогна во ослободувањето на 388 војници на НАТО кои ги соблекле своите униформи и биле врзани за дрвја за да служат како жив штит на воздушните напади на НАТО. Станишиќ напиша дека преговарал за ослободување на заложниците со поддршка од лидерите на ЦИА“ – се вели во текстот.
Тој се обидел и да интервенира во 1993 година, кога биле собориле и заробени француски пилоти.
„Младиот човек не сакаше да признае дека ги заробил пилотите, но мојата служба беше во можност да ги открие околностите и местото на нивното задржување и да ги достави овие информации на ЦИА и на француските власти“ – напишал Станишиќ.
Даг Смит, шеф на ЦИА во Босна, почна редовно се состанува со Станишиќ. Во една прилика се сретнале на брод на реката Сава. Поранешниот директор на ЦИА Џон Дојч, го повикал Станишиќ во седиштето на агенцијата во 1996 година, а шефот на српските тајни служби со Американците се сретнале во џез клуб во Џорџтаун.
Следниот ден, тие го зеле на лов на птици во Мериленд. Потоа, пишува „Лос Анџелес тајмс“, Дојч и Станишиќ пукале од пушка „Паркер“, направена во 1937 година – оружје кое ги восхитува сите колекционери.Благодарение на американските медиуми, јавноста дозна дека Станишиќ осум години бил главен човек на ЦИА во Белград.
Во текстот објавен во &