TikTok ги суспендираше новите содржини и можноста за пренос во живо на својата платформа во Русија како одговор на новиот контроверзен закон за „лажни вести“ во земјата, кој се заканува со затвор за споделување на она што властите го сметаат за лажни информации.
Во соопштението објавено во неделата се наведува дека иако „ТикТок е излез за креативност и забава што може да обезбеди извор на олеснување и човечка врска за време на војна кога луѓето се соочуваат со огромна трагедија и изолација“, компанијата рече дека „немале избор“, туку да ги прекинат услугите.
Компанијата додаде дека безбедноста на вработените и корисниците на апликацијата е нејзин најголем приоритет.
„Немаме друг избор освен да го прекинеме преносот во живо и новите содржини на нашата видео услуга во Русија додека ги разгледуваме безбедносните импликации на овој закон“, изјавија од TikTok.
„Нашата услуга за пораки во апликација нема да биде засегната“, се вели во соопштението. „Ќе продолжиме да ги проценуваме околностите кои се развиваат во Русија за да одредиме кога би можеле целосно да ги обновиме нашите услуги со безбедност како наш главен приоритет.
Рускиот претседател Владимир Путин во петокот ја интензивираше акцијата против медиумите и поединците кои не успеваат да се придржуваат до линијата на Кремљ за руската војна во Украина, блокирајќи ги Фејсбук и Твитер и потпишувајќи закон со кој се криминализира намерното ширење на она што Москва го смета за “ лажни извештаи.
TikTok е дел од поголемата кинеска технолошка компанија ByteDance.
Пронајдете не на следниве мрежи:
