„Жито Лукс“ со нови производи за подолго ужување во вкусот и до 15 денаВо потрагата по здрава храна, а сепак со продолжен рок, пастеризацијата (топлинското третирање на храната) е најкористен метод кој обезбедува зачувување на квалитетот на производот и истовремено го продолжува рокот на истиот.
Со пастеризација, која е термички процес, се уништуваат дел од микроорганизмите во храната, патогените бактерии и се намалува ензимската активност во производот. На овој начин, пастеризацијата обезбедува продолжување на свежината и трајност на производот на природен начин и без употреба на конзерванси и притоа не го менува составот, вкусот и хранливата вредност на храната.
Пастеризацијата се применува на голем број производи. Млекото, соковите, сирењето и млечните производи, конзервираната храна, разните сирупи, виното, путерот, се само дел од видовите храна коишто сè почесто се подлегнуваат на пастеризациски процес. Во поново време и лебот е производ којшто сè почесто се пастеризира.
Нашиот најголем производител на леб, „Жито Лукс“, постојано вложува во нови технолгии, и е единствениот кај нас кој го користи процесот на пастеризација на одредени видови леб, а со тоа им овозможува на своите потрошувачи, леб со продолжена свежина без додаток на кознерванси.
„Сите тост лебови, како и одредени специјални лебови, како што се Грахам, Баварски, Нордик, Нутри интегрален со сончоглед, подлежат на процесот на пастеризација. По печењето, лебот се сече, потоа се пакува и се изложува на т.н. повторно термичко третирање на соодветна температура, во одреден временски интервал. Тоа е процесот на пастеризација кој овозможува да се одржи свежината на лебот без употреба на хемикалии и конзерванси и до 15 дена“, изјавуваат од компанијата.
Пастеризацискиот процес кај лебот е посебно потребен заради фактот дека сите видови леб најчесто се подложни на влијанието на два фактори – мувлата и влагата, кои придонесуваат за намалување и губење на квалитетот на лебот. Откако лебот ќе излезе од печка, спорите од мувлата, што природно се наоѓаат во животната средина се сместуваат и во лебот. Кај така приготвениот и испечен леб во текот на неколку дена, мувлата се појавува, расте и се проширува. Од овие причини, многу пекарски индустрии користат хемиски супстанции, како на пример калциум пропионат, за да го заштитат својот производ. Употребата на хемикалии може да се избегне токму со пастеризацијата.
„Пастеризацијата е метод којшто во светот сè почесто се користи за заштита на храната. Предноста на пастеризацијата е тоа што со ваквата технологија, која се одвива на пониска температура, не се губат квалитетните карактеристики на состојките на храната, ниту пак, истата го губи или менува својот вкус и состав“, велат од Жито Лукс.
Со овој процес, „Жито Лукс“ цели кон континуирано подобрување на квалитетот на лебот без притоа да се додаваат конзерванси и на тој начин ја продoлжува својата мисија за задоволување на потребите на потрошувачите.Во потрагата по здрава храна, а сепак со продолжен рок, пастеризацијата (топлинското третирање на храната) е најкористен метод кој обезбедува