Здружението на млади аналитичари и истражувачи (ЗМАИ) организираше конференција на тема „Ефектот на странските директни инвестиции во технолошко-индустриските развојни зони врз македонската економија“, во рамки на проектот „Влијанието на владините субвенции за странските директни инвестиции, наспроти нивниот ефект врз економскиот раст“.Целта на конференцијата беше да се изнесат јавни размислувања и заклучоци на релевантни говорници за странските директни инвестиции, со што би се помогнало во креирање на подобри јавни политики во државата. Проектот е поддржан од проектот на УСАИД за граѓанско општество, кој го спроведува Фондација Отворено општество – Македонија. Конференцијата се одржа на 13ти октомври, во Дипломатик салата на Скопски саем со почеток од 11:00 часот.
Говорници на конференцијата беа Горан Мојаноски, претставник од ЗМАИ, кој што ги презентираше досегашните истражувања на организацијата; Арбен Халили, генерален директор на Normak Investment Group – технолошко – индустриска развојна зона во Тетово, која е јавно приватно партнерство и е прва зона во Македонија од ваков тип; Митко Алексов, извршен директор во Сојуз на стопански комори на Македонија; Александар Колекески постар истражувач/аналитичар во Македонски центар за европско образование, кој што ги презентираше истражувањата направени за странските директни инвестиции; Билјана Пеева Ѓуриќ, Директор на Дирекција на здруженија според дејности во Стопанска комора на Македонија и проф. д-р Владимир Филиповски, универзитетски професор на Економски факултет – Скопје (УКИМ). Модератор на конференцијата беше Васко Попетревски, новинар и ТВ – водител во Алсат – М телевизија.
Kонференцијата во целост може да се проследи преку You Tube каналот на радио МОФ на следниот линк.
Здружението на млади аналитичари и истражувачи (ЗМАИ) е основано од седум статистичари чија основна дејност е изработка и спроведување на статистички и економетриски истражувања кои ќе служат како база за градење на јавни политики и информирање на истражувачката и пошироката јавност.
Мисијата на ЗМАИ е да го поттикне истражувачкиот дух кај младите преку изработка на научни и истражувачки трудови кои ќе бидат лесно достапни до секој граѓанин, а истовремено ќе имаат аналитичка и истражувачка вредност за понатамошни анализи. Конференцијата е дел од низата активности кои што се спроведуваат во рамките на проектот „Влијанието на владините субвенции за странските директни инвестиции, наспроти нивниот ефект врз економскиот раст“.
Целокупното истражување и изведени заклучоци кои би можеле да бидат база за градење на јавни политики ќе бидат објавени во финална публикација во април 2016 година.Целта на конференцијата беше да се изнесат јавни размислувања и заклучоци на релевантни говорници за странските директни инвестиции, со што би се п
