Ви предлагаме лесен и нискокалоричен оброк, преубава и уникатна салата!   Проверено вкусна и свежа!

Состојки:

• 7-10 листови марула/салатка
• 1/2 калинка
• 2 парчиња лимон сечени на кругови
• 4 ореви (8 јатки)
• свежо цеден сок од половина лимон.

Подготовка:

1. Најпрво со ладна вода убаво измијте ги листовите зелена салата, а потоа со помош на кујнска даска и добар остар нож, внимателно издробете ги парчиња со ширина од околу 1 см.
2. Калинката прво измијте ја, а потоа издвојте ги само семките во посебен сад.
3. Оревите скршете ги, а ако сте купиле јатки само исечкајте ги со помош на нож, со исклучок на две јатки или 1 орев кој ќе остане за декорација одозгора.
4. Исцедедете сок од половина лимон.
5. Откако сте ги припремиле сите состојки, сервирајте ја салатата.
6. Прво ставете ја зелената салата и полека рамномерно налејте го свежо цедениот сок од лимон.
7. Наросете од калинката и сечканите ореви.
8. Декорирајте со круг засечен лимон и 2 јатки од орев на средината на салатата или декорирајте поинаку по своја желба.

На здравје!