Пред да биде убиен, Боб Ли, беше успешен член на елитната бизнис и технолошка сцена во Сан Франциско, беше познат и како активен член на прилично комплицираната партиска сцена таму. А, истото важи и за Хазар Момени, сопруга на познат градски пластичен хирург, и пријателка на починатиот милијардер.

Нивното безгрижно дружење на забавите полни со рекреативни корисници на дрога и луѓе подготвени за секс без размислување завршија на најлош можен начин на 4. април годинава. Во раните утрински часови Боб Ли (43 г.) беше избоден на улица во фин дел на Сан Франциско, а по повторените прободувања, иако стигнал жив до болницата, биле фатални за него.

Во градот познат како центар на технолошката елита и паметни бизнисмени, со дипломи од престижни американски колеџи, американскиот епицентар на профитабилни стартапи, смртта на овој милијардер, омилен меѓу пријателите и познаниците, предизвика шок и отвори лавина прашања. Првично се мислеше дека Боб Ли е случајна жртва на уличен криминал. Сепак, вистината се покажа многу покомплицирана од тоа.

Весникот Wall Street Journal (WSJ) разговарал со бројни пријатели и познаници на жртвата и на човекот кој беше уапсен како сторител на делото, а станува збор за братот на Хазар Момени (37 г.), со кого Боб Ли пред смртта „имал факултативна интимна врска“, како им призна на неколку пријатели. Сликата што ја насликаа новинарите на американскиот дневен весник, во долга репортажа, го открива, меѓу другото, терминот „The Lifestyle“, наводно познат меѓу членовите на златната елита на Калифорнија, дом на многу големи компании како Google, Facebook и Apple.

„Иако се чини дека се е многу слободно, постојат непишани правила на однесување“, изјавил за WSJ, Девон Мејерс, пријател на убиениот ИТ работник и додадал: „Согласноста и границите се очигледни сами по себе. Ако некој пие премногу и стане агресивен, брзо се отфрла од групата“.

Нима Момени, против кого е покренато обвинението, бил познат како лице кое самиот се дрогирало, но не бил член на елитниот клуб. Имал ИТ консултантска компанија, а според јавно достапните податоци, WSJ пишува дека не му оди се најдобро со бизнисот. Соседите го опишуваат како интровертен и малку чуден, а бил и склон кон мрачни расположенија на забавите. Тој го познавал Боб Ли од порано. Имено, Нима Момени (38 г.) се забавувала три години претходно со девојка која го оставила, а потоа таа почнала да излегува со Боб Ли.

Боб Ли бил сакан од неговите пријатели, кои немаат ништо друго освен пофалби за него кога зборувале со новинарите, споделувајќи анегдоти кои го прикажуваат како добродушен, позитивен, опуштен, дарежлив со пари, авантуристички човек кој ги сака луѓето и ужива во животот.

„Но, во последно време се дружеше и со луѓе кои не беа толку добри, и тоа е дел од причината што сè заврши трагично“, кажал Дејна Вагнер, која претходно работела со Боб Ли во една компанија и додала: „Во таа толпа има многу свингери, прељубници и лажговци“.

Криста Ли, со која Боб Ли имаше две деца, со најубави зборови го опишала својот поранешен сопруг со кој ја прекинала врската. Редовно ги гледал своите деца, патувал да ги посети во Мајами, а во август било планирано и семејно патување во Јапонија. „Тој го виде доброто во сите“, кажала таа, тврдејќи дека никогаш не слушнала за терминот „The Lifestyle“. Во најлош случај, признала таа, се сомневала дека користил микро дози на кетамин за депресија.

Во мај неговата поранешна сопруга одржа комеморација за него, која заврши со забава на која пуштал музика и Роб Гарза од „Thievery Corporation“, неговиот омилен диџеј. Учесниците имале задача да напишат писма до починатиот, кои семејството ќе ги однесе на фестивалот „Burning Man“, омилениот годишен настан на Боб Ли во календарот, и ќе ги запалат таму.

Тој бил брилијантен програмер, дознава WSJ. Тој започнал со пишување кодови против компјутерски црви, работел за Google, подоцна за Square, инвестирал во компании како SpaceX на Илон Маск. Пред да биде убиен, тој работел како главен директор за производи во крипто стартапот MobileCoin.