Веќе трета година Македонија е дел од најголемото глобално движење наречено Pay it Forward (Продолжи понатаму) кое се одбележува на 28 април. Истовремено месец април е посветен на подигнување на свеста за аутизмот како една состојба различна но сепак слична.
Настанот ќе биде со богата програма првенствено за најмладите каде ќе учествуваат многу уметници, а околу сцената ќе има ликовна работилница, Театроск со живи статуи, пантомимичар и изложба на цртежи. Ќе има многу подароци за посетителите а организаторите на овој настан праќаат единствена и уникатна порака за ширење на добрината, за прифаќање на различностите и емпатија меѓу луѓето.
На оваа тема гостин во Отворено Студио 1 беше Маја Бабиќ, еден од организаторите на настанот според која „тој што направил добри дела треба да продолжи да прави добри дела“.
„Ако јас направам добро дело за тројца и тие тројца направат за уште тројца, со математичка прогресија правиме добри дела низ целиот свет“, изјави Бабиќ.
Целиот разговор со Бабиќ погледнете го во видеото: