Тортата Династија е создадена во средината на 1980-тите години, во време кога познатата американска серија со истото име беше популарна, а некои велат дека ова е одговорот на Југославија на култната серија.
Состојки:
За кори
- 15 белки
- 450 гр шеќер
- 150 гр сечкани ореви
- 3 лажици брашно
За фил - 15 жолчки
- 8 дл. млеко
- 3 пудинзи од ванила
- 8 лажици шеќер
- 6 ванилин шеќер
- 200 гр путер
- 16 лажици шеќер
- 100 гр чоколадо за готвење
- 2 шлага
Кори
Оваа торта е малку понапорна, па за да направите вистинска, вкусна Династија, треба да испечете три кори.
На плех ставете мрсна хартија и додајте уште малку масло, печете ги корите една по една, така што трипати ќе изматите по пет белки. Во смесата со белки постепено додавајте шеќер, прво 150 грама и на крај 50 грама сечкани ореви и една лажица брашно.
Секоја кора се пече 45 минути на 150 степени.
Фил
Сите три пудинга сварете ги со 8 дл млеко и почекајте да се изладат и стврднат. Додека се чека тоа, изматете 200 гр путер со 16 лажици шеќер и додадете 15 жолчки една по една.
Мешајте додека не добиете изедначена смеса. Додадете ги изладените пудинзи и сè лесно измешајте со миксер. Добиениот фил поделете го на два дела, во едниот дел додадете 6 кесички ванилин шеќер, а на другата половина 100 гр растопено чоколадо.
На приготвената кора премачкајте слој жолт, па слој кафен фил и ставете врз следната кора, па повторно премачкајте. На последната кора ставете шлаг и вашиот десерт е готов!
