Вчерашната (22.02.2024) акција на СВР Тетово била насочена кон контрола за тоа дали возачите ги почитуваат правилата за некористење на телефон зад волан и дали ставале сигурносен појас.
Како што информораат од полицијата откриени и санкционирани биле вкупно 95 возачи (Тетово-93 и Гостивар-2) кои зборувале на мобилен телефон додека возеле, како и 18 возачи (ТЕ-13 и ГВ-5) кои не користеле сигурносен појас.
„На сите им се изготвени соодветни поднесоци и ќе се соочат со парични глоби, кои за овие видови прекршоци изнесуваат 40 евра (телефон) и 50 евра (појас) во денарска противвредност. При контролата, исто така, биле санкционирани и 4 возачи кои ги управувале возилата без положен возачки испит и валидна дозвола за тоа, 2 возачи кои управувале возила со затемнети фолии и 1 возач кој управувал технички неисправно возило.“, соопшти СВР.
Покрај ова, со поднесоци биле заокружени и 14 непрописно паркирани возила во Тетово, од кои 7 се подигнати од тетовската „пајак-служба“.
„МИНУТИ ЗА СЕКОГО“ | 7/7 ЕМИСИИ:
