На Манчестер Сити му се подготвува голема казна откако е фатен како со години правел финансиски малверзации со кои ги прекршувал правилата за Финансискиот фер-плеј.

Докажано е дека во периодот кога Роберто Манчини беше тренер на Манчестер Сити од 2009 до 2013 година, клубот на италијанскиот стратег му давал пари „под маса“.

Манчини официјално добивал една плата, помала од договореното, а дополнително земал уште околу два милиони евра по сезона кои му биле префрлани на неговата тогаш ново регистрирана фирма по други основи.

Со оглед на тој случај, Пеп Гвардиола доби прашање дали и тој добивал дополнителни пари кои не се пријавени.