Ова е единствениот рецепт кој ќе ви биде потребен во студените денови кои следуваат. Солен или не, со зачини или без- изборот е ваш.
1 чекор: Не ја чистете пченката од листовите, туку само исчистете ги свилените конци и неколкуте надворешни листови кои ви изгледаат нечисто. Измијте под силен млаз вода. Оставете ги плодовите да се исцедат, но не го сушете вишокот вода.
2 чекор: Вклучете ја рерната на 175 степени, а кога рерната ќе се загрее, мократа пченка ставете ја директно на решетките.
3 чекор: Печете од 35 до 40 минути. Задолжително проверувајте на 10-тина минути. Печената пченка лесно се препознава затоа што листовите се лесни за лупење и има малку потемна боја од кога е свежа. Отстранете ги листовите, посолете, зачинете и послужете.
Ако сакате малку да ја зачините целата постапка, по печењето премачкајте ја пченката со следниов сос:
65 грама стопен путер
Изрендана кора од ½ лимета
Сок од 1 лимета
2 лажици ситно исечкан коријандер
½ лажица мелена пиперка
Сол, бибер, зачини по желба
Соединете ги сите состојки, добро промешајте, премачкајте и започнете да јадете.
