Изведбите на шведската група АББА и американската Blondie се меѓу новите дополнувања на Националниот регистар на снимки на библиотеката на Конгресот на САД, извести Associated Press.
Вo регистерот веќе се вклучени албумот „Visitors“ на ABBA од 1976 година, албумот „Ready to Die“ од 1994 година на The Notorious B.I.G., дебитантскиот пробив на Blondie со албумот „Parallel Lines“ од 1978 година и верзијата на „Rudolph the Red-Nosed Reindeer“ од Џин Отри.
Претставничката на Конгресната библиотека Карла Хејден во вторникот ги објави 25-те нови наслови за 2024 година, велејќи дека тие се „достојни за зачувување за сите времиња врз основа на нивното културно, историско или естетско значење во националното наследство за снимање“.
Песната на порториканскиот пејач Хектор Лаво од 1978 година „El Cantante“, напишана од Рубен Блејдс, ќе влезе во регистарот заедно со песната „Amor Eterno“ на мексиканскиот пејач Хуан Габриел од 1990 година, која е посветена на неговата мајка.
Други наслови кои се сметаат за меѓу „дефинирачките звуци на историјата и културата на нацијата“ се албумот на Jefferson Airplane од 1967 година „Surrealistic Pillow“, албумот на Green Day од 1994 година „Dookie“ и „Wide Open Spaces“ на The Chicks од 1998 година.
Албумот со скечеви на Лили Томлин од 1971 година под наслов „This Is a Recording“ е единствената комедија и единствениот немузички запис на овогодинешната листа.
Џин Отри, распеаниот каубој кој беше меѓу најголемите американски ѕвезди во средината на XX век, ја сними конечната верзија на „Rudolph, the Red-Nosed Reindeer“ во 1949 година. Минатата година, во регистарот кој сега брои 650 наслови, се предодаде уште еден понов, но безвременски празничен хит – „All I Want For Christmas Is You“ на Мараја Кери.
„The Visitors“ е четвртиот албум на шведската диско-супергрупа ABBA и ги вклучува нивните хитови „Dancing Queen“, „Money, Money, Money“ и „Fernando“.
Blondie и нивната харизматична пејачка Дебора Хари го направија својот комерцијален пробив со „Parallel Lines“, албум со познатата црно-бела обвивка со пруги на која беше објавен хитот „Heart of Glass“. Оваа година им се придружува уште еден класик од новиот бран (њувејв) истоимениот деби албумот на „The Cars“.
Албумот на The Notorious B.I.G од 1994 година „Ready to Die“ со Juicy и Big Poppa останува единствениот објавен во живо.
