За да ви биде пријатно и топло во затворен простор за време на постудено време, природно е да го подигнете термостатот, но ако не сте внимателни, овие прилагодувања може да ги зголемат и вашите сметки за енергија малку повеќе отколку што би сакале.
Затоа, следете го упатството подолу за да одредите на која температура да го поставите вашиот термостат во зима за здрава животна средина и прифатливи сметки за греење.
Одлуката за удобна температура за вашиот дом во голема мера зависи од личните преференции. Меѓутоа, за паметно да ја искористите енергијата, експертите препорачуваат да го поставите термостатот на околу 20 или 21 степен во текот на зимата додека сте будни и да го поставите пониско кога спиете или не сте дома.
Спалната соба треба да биде најстудената соба, а идеалната температура во неа е помеѓу 16 и 18 степени. Причината за толку ниската температура е секако квалитетот на сонот. Премногу високата температура во спалната соба лошо влијае на квалитетот на сонот, го зголемува немирот и го продолжува времето потребно за заспивање. Секако, температура под 16 степени не се препорачува ниту за спиење.
Сосема е доволно кујната да се одржува на 20 степени бидејќи и онака главно остануваме во неа додека готвиме, што дополнително го загрева просторот.
Одржувајте удобна температура од 21 степен во бањата. Ова ќе ја одржи просторијата удобна за престој, а создавањето на влага нема да претставува опасност за ѕидовите на бањата. Внимавајте да не ја загревате многу повеќе од тоа бидејќи топлиот туш ја зголемува температурата во просторијата, што може да резултира со недостаток на кислород.
Се разбира, најмногу се исплаќа доколку сте приклучени на градското парно.
Пронајдете не на следниве мрежи:
