Естонија, Латвија и Литванија забранија возила со руски регистарски таблички да влегуваат на нивна територија во заеднички и координиран потег во согласност со неодамнешното толкување на санкциите на Европската унија против Москва поради нејзината војна против Украина.
Естонија ја воведе мерката утрово, по активностите преземени од нејзините соседи Летонија и Литванија претходно оваа недела.
Естонското Министерство за внатрешни работи соопшти дека одлуката на балтичките земји, членки на НАТО кои граничат со Русија, уследила по „подоцнежното толкување на санкциите наметнати на Русија од страна на Европската комисија“ на 8 септември.
– Целта на санкциите против Русија е да ја принудат државата агресор да се повлече до нејзините граници – изјави Лаури Ланеметс, естонскиот министер за внатрешни работи.
Тој додаде дека „во договор со властите на Летонија и Литванија, открил дека ограничувањата се најефективни кога санкциите се наметнуваат заедно“.
Забраната не се однесува на возила наменети за користење на дипломатско-конзуларните претставништва на ЕУ и нејзините земји-членки, вклучувајќи делегации, амбасади и претставништва.
- Исто така, на моторни возила со руски регистрации им е дозволено да ја напуштат Естонија или да ги преминат внатрешните граници на ЕУ – соопшти естонското Министерство, а тоа важи и за Летонија и Литванија.
