Овој рецепт за тестенини е еден од најпопуларните, и со добра причина. Тестенините и сите додатоци се готват во само една тава, а највкусното јадење ќе биде спремно пред вас за само 20 минути.
Фановите на тестенини и италијанска храна со овој рецепт сигурно ќе си дојдат на свое. Прекрасно јадење, за само неколку минути, не бара многу подготовка или готвење, и обезбедува вистинско гурманско задоволство.
Тестенините измешани со домат, прекрасни медитерански зачини и малку пармезан сирење беа направени според оригиналниот рецепт од италијанските Пуглија, пишува marthastewart.com.
Потребни состојки:
350 гр тестенини лингвини
350 гр шеридомати, преполовени или исечени на поголеми парчиња
1 кромид, тенко исечен
4 чешниња лук, тенко исечени
1/2 лажиче снегулки од црвена пиперка
2 гранчиња босилек, плус неколку лисја за украсување
2 лажици екстра девствено маслиново масло, плус малку повеќе за сервирање
Груба сол и свежо мелен бибер
Литар вода
Свежо рендан пармезан, за сервирање
Подготовка:
Измешајте ги тестенините, доматот, кромидот, лукот, снегулките од црвена пиперка, босилек, маслото, две лажички сол, 1/4 лажичка бибер и водата во голема тава.
Оставете да зоврие на силен оган. Гответе, мешајќи често и вртејќи ги тестенините со кујнски клешти, сè додека тестенините не станат ал денте и водата речиси испари, околу 9 минути.
Зачинете по вкус со сол и бибер, поделете на четири чинии и украсете со босилек. Послужете со масло и пармезан.
