Дали сте замислиле готов ручек за неверојатни 15 минути? Веројатно ви изгледа невозможно.
Кога ќе дојде летото, на сите ни е најтешко времето поминато во кујната зад шпоретот, па добро би ни дошол брз ручек кој истовремено ќе не засити, а семејството ќе го воодушеви со својот вкус.
Потребни ви се четири работи, лук, шпагети, бело вино и маслиново масло.
За почеток, ситно исечкајте го лукот и ставете го да се пржи на многу маслиново масло, додека ги подготвувате шпагетите за варење. Внимавајте да не изгори и кога ќе видите дека е при крај на пржењето, налејте малку бело вино и пропржете уште малку додека да испари алкохолот.
Сварените шпагети истурете ги во тавата со лукот и по потреба додајте уште малку маслиново масло, а потоа измешајте ја смесата додека ја чувате тавата на рингла околу една минута.
По желба можете да додадете пармезан и да му послужите на семејството идеален неделен ручек кој е готов за не повеќе од 20 минути.
Вашиот специјалитет е готов, белото вино му дава посебен вкус на целиот ручек, но на вас е да ги откриете сите шармови на овој брз оброк и никому да не кажувате колку е лесно да се подготви.
