Во која положба најчесто спиете? Секоја има свои предности, но и можни негативни ефекти врз нашето здравје.
Добриот сон го зајакнува имунитетот, дава енергија и ја зголемува концентрацијата, а позицијата на спиење игра голема улога во тоа.
Така, спиењето на страна најдобро го штити ‘рбетот, а спиењето на стомак го намалува притисокот врз дисковите.
Спиење на грб
Спиењето на грб штити од болка во ‘рбетот и вратот. Ова е најдобриот избор за здравјето на внатрешните органи, а помага и при слабеење. За да може ‘рбетот да биде во правилна положба, најдобро е да ставите перница под коленото како потпора. Сепак, оваа позиција не се препорачува за луѓе кои ‘рчат, бидејќи тоа само ќе ја влоши нивната состојба. Јазикот паѓа во долниот дел на грлото и ги затвора дишните патишта, што го прави ’рчењето уште поинтензивно.
Спиење на страна
Феталната положба или спиењето на страна спречува појава на болки во грбот, бидејќи го следи закривувањето на ‘рбетот. Најважно е главата да биде во иста рамнина како и телото, односно на перницата, бидејќи во спротивно би можеле да го свиткате вратот и да си го расипете држењето на телото.
Исто така, оваа позиција го олеснува дишењето и го напнува стомакот. Ова е најдобриот избор за сите оние кои ‘рчат, но неговиот недостаток е тоа што предизвикува брчки. Кожата постојано се потпира на перницата што предизвикува брчки.
Спиење на стомак
Повремено спиење на стомак ја ублажува болката во долниот дел на ‘рбетот, бидејќи го намалува притисокот врз дисковите. Во тој случај може да ви помогне.
Но, експертите истакнуваат дека оваа позиција е најризична за грбот. Спиењето на стомак го израмнува природно закривениот долен дел на грбот, а главата е секогаш во иста положба, што негативно влијае на цервикалниот ‘рбет. Затоа се создава притисок врз нервите, поради што е можно пецкање и губење на сензација во рацете и нозете по будењето.
