Пет години по коронавирусот, во Кина расте бројот на заболени од сличен грип.За што всушност се работи, за каков вирус се работи и има ли простор за паника?Тоа е Хуман Метапневмовирус или HMPV вирус.Бројот на случаи на HMPV се зголемува во северна Кина, но експертите велат дека ризикот од нова пандемија слична на Ковид-19 е многу низок.Што е метапневмовирус (ХМПВ)?ХМПВ е респираторно заболување кое предизвикува симптоми слични на грип или настинка, но може да го зголеми ризикот од посериозни компликации, како бронхитис или пневмонија, особено кај постарите, малите деца и луѓето со ослабен имунолошки систем, пишува Гардијан, пренесува Нова.Оваа болест припаѓа на истата фамилија како респираторниот синцицијален вирус (РСВ) и е позната од 2001 година, кога за првпат беше идентификувана во Холандија. Епидемиите на HMPV обично се почести за време на постудените сезони.Зошто HMPV се споменува во последните денови?Според локалните власти, бројот на случаи на HMPV се зголемува во северна Кина, особено кај децата. Кинескиот Центар за контрола и превенција на болести (ЦДЦ) ги предупреди граѓаните да бидат внимателни и да се придржуваат до правилата за хигиена, но ги отфрли тврдењата на Интернет за преоптоварени болници и заканата од нова пандемија слична на Ковид-19.„Респираторните инфекции обично го достигнуваат врвот во текот на зимата. Овие болести изгледаат помалку сериозни и се шират во помал обем во споредба со претходните години“, изјави во петокот портпаролката на кинеското Министерство за надворешни работи, Мао Нинг.Експертите веруваат дека очигледното зголемување на бројот на случаи може делумно да се должи на напредокот во технологијата, што овозможува полесно откривање и идентификација на HMPV.„Мислам дека сега сме повнимателни во врска со појавата“, рече д-р Жаклин Стивенс, предавач на Универзитетот Флиндерс во Австралија. Луѓето станаа хипер-внимателни, а името „човечки метапневмовирус“ звучи прилично страшно“.Колку е опасен HMPV?Симптомите на HMPV се слични на настинка или грип и често се класифицирани како „обична настинка“, објаснува д-р Стивенс.За разлика од болестите како корона или грип, HMPV не е болест за која се известува за здравствените власти.„Постојат голем број други вируси кои не се пријавени бидејќи се многу чести и погодуваат многу луѓе. Mожат да не соборат од нашите нозе неколку дена, но со одмор и закрепнување, повеќето брзо се враќаат во нормала“, рече Стивенс.Кои групи се најзагрозени?HMPV може да доведе до посериозни болести, како што се бронхитис и пневмонија, кај постари лица, многу мали деца и луѓе со ослабен имунолошки систем.„Овој вирус секако може и предизвикува сериозни болести, поради што е важно луѓето да знаат дека постои“, рече професорот Пол Грифин, директор за заразни болести во здравствените служби Матер во Бризбејн.Сепак, во моментов нема вакцини или специфични антивирусни лекови за HMPV, иако вакцините се во развој. „Единствениот начин да се бориме со него е да се едуцираат луѓето и да се намали преносот“, додаде Грифин.Дали има некоја причина за грижа?HMPV не е како Ковид-19 бидејќи постои со децении, што значи дека светската популација има развиено одредено ниво на имунитет од претходни инфекции, истакнуваат експертите.За разлика од Ковид-19, која беше сосема нова болест за човечкиот имунолошки систем, HMPV не е способен да предизвика пандемија од слични размери.„Мислам дека не треба да бидеме загрижени за пандемијата на овој вирус, но зголемувањето на случаите и влијанието е значајно“, рече Грифин. „Можеме да научиме од пандемијата „Ковид-19“ како да го намалиме ширењето, особено со оглед на тоа што немаме вакцини или антивирусни средства за HMPV“.