Кој е совршениот маж? Кога станува збор за физичкиот изглед, дефиницијата за совршенство варира од личност до личност. Но, емотивно, сите копнееме по приближно слични квалитети. Овие знаци гарантираат дека имате добар сопруг (или партнер).
1. Се чувствувате безбедно со него
Во друштво на добар маж, жената никогаш нема да се чувствува несигурна. Без разлика дали станува збор за непријатност поврзана со физичкиот изглед, начинот на кој треба да направите некоја вежба или чувства за врската – вистинскиот маж знае како да ги смири сите женски сомнежи и двоумења.
2. Ја зајакнува вашата самодоверба
Добриот човек никогаш нема да користи манипулации – физички, емоционални или сексуални – за да го добие она што го сака или да го контролира начинот на кој мисли неговата сакана. Тој не ја омаловажува, туку ја зајакнува нејзината самодоверба со своето однесување.
3. Ви дава ветер во грбот
Добриот маж никогаш нема да ја ограничи жената во реализација на сите нејзини потенцијали. Тој ќе биде нејзината најголема поддршка, и доколку е потребно, рамо за плачење. Тој нема да дозволи неговата сакана да се откаже од соништата. Напротив, таа ќе биде мотивирана и инспирирана.
4. Тој ви е верен
Неверство не му паѓа на памет, без разлика дали се работи за физичка или емоционална измама. Во неговиот живот има место само за една жена – вие.
5. Тој знае дека ви треба време за себе
Добриот маж знае дека квалитетен брак е вечен компромис помеѓу двајца луѓе кои треба да го искористат слободното време за да задоволат некои од нивните потреби. Уште повеќе, ќе ве поттикне да одвоите време само за себе, да се дружите со вашето друштво и да ги развивате вашите интереси или хоби независно и непречено.
6. Ви дава простор да бидете „свои“
Ако го прашате за совет, тој ќе ви го каже своето мислење. Но, никогаш нема да ги наметне своите ставови ниту ќе очекува од вас да размислувате како него. Тој ве цени премногу за да се однесувате така.
7. Секогаш сте му на прво место
Може да се потпрете на него во сите моменти од животот – тој е вашата омилена личност за да славите добра вест и успех, но и да споделувате тешки моменти.
