Пролетта е период кога пазарите се преполни со разновиден сезонски зеленчук, кој освен во вкусни салати и во готвени јадења, можеме да го печеме и во рерна.
Печениот зеленчук е многу вкусен и примамлив, но многумина, сепак, одбегнуваат да вклучуваат рерна во текот на топлите денови.
Па таа, експертите откриле трик кој значително ќе ви го скрати времето потребно за приготвување печен зеленчук, а вкусот ќе биде уште поубав.
Ставете го празниот плех, во кој сакате да го приготвувате печениот зеленчук, во рерна додека се загрее.
Претходното загреаниот плех ќе го намали потребното време за печење, бидејќи намирниците побрзо ќе се обработат термички при допир со врела тепсија.
Исто така, овој трик ќе ви ја намали и потребата од превртување на зеленчукот, па помалку ќе ја отворате вратата од рерната и со тоа, нема дополнително да ширите топлина во кујната.
Веројатно ќе ви биде потребно само едно превртување, што значи дека во меѓувреме ќе можете мирно да ги извршувате преостанатите домашни обврски.
Покрај тоа, претходното загревање на тепсијата има и други предности. Имено, зеленчукот порамномерно ќе се испече, бидејќи истовремено ќе биде изложен и на топлината од тепсијата и од самата рерна.
На тој начин зеленчукот нема да ви загори, а ќе добиете вкусни залчиња, убаво обработени, без исушени краеви.
Ако сакате, секогаш можете да ја исклучите рерната во завршната фаза од печењето, бидејќи ослободената топлина ќе биде доволна за да се заврши печењето и без употреба на струја.
