Доказ за тоа дека Хамами е кај Хамас не е приложен, а палестинските извори не прецизираат дали високиот воен офицер е сè уште жив

Радикалната палестинска групација Хамас денеска соопшти дека го заробила израелскиот полковник Асаф Хамами, кого Израел го прогласи за загинат при терорисичкиот напад на исламистичкото движење на 7 октомври минатата година.

Бригадите „Изедин ал Касам“, военото крило на Хамас, соопштија дека полковникот Хамами бил ранет за време на неговото заробување.

Доказ за тоа дека Хамами е кај Хамас не е приложен, а палестинските извори не прецизираат дали високиот воен офицер е сè уште жив.

Пред неколку месеци Израел објави дека 41-годишниот бригаден командир бил убиен при смртоносниот напад на Хамас на израелска територија на 7 октомври, што го означи почетокот на војната во Појасот Газа.