Поранешниот словачки премиер Игор Матовиќ и поранешниот министер за внатрешни работи Роберт Калинак се степаа во средата откако Матовиќ упадна на настан организиран од партијата СМЕР-ССД како дел од неговата кампања во Братислава.
Полицијата спречи натамошна ескалација на конфликтот бидејќи поранешниот премиер и министерот се скарале, а биле упатени и удари.
Се се случи пред зградата на Владата, каде поранешниот премиер Игор Матовиќ, од партијата Олано, ја прекина прес-конференцијата на Роберт Калиник. Расправиите меѓу двете партии траат со години.
Во 2021 година, Матовиќ мораше да ја напушти премиерската позиција поради несогласувања во водечката коалиција. Тогаш власта ја презеде партијата на Калинак, чија коалиција исто така се распадна и беа распишани нови избори.
Поранешниот премиер го гледа Калиник за свој главен противник и го обвинува за корупција, пренесува The Star. Матовиќ на конференцијата пристигна со автомобил на кој беше испишан слоганот „нема да те предадеме на мафијата“. Тој извика на мегафон и го обвини Калиник за лоша имиграциска политика за време на неговиот министерски мандат.
Калинак потоа се доближил до автомобилот околу кој се собрале неколку луѓе и тропнал на прозорецот на Матовиќ, а потоа ја отворил вратата. Тој се обидел да му го грабне мегафонот, а Калиник се обидел да го оттурне. Ситуацијата ескалирала и друг член на партијата на Калинак го удрил Матовиќ со тупаница во главата. Полицијата потоа интервенирала и спречила понатамошен конфликт и отворила истрага за инцидентот, пренесе словачката агенција ТАСР
Пронајдете не на следниве мрежи:
