Истражување за брачното советување покажало дека повеќето парови се обидуваат сами да го решат проблемот пред да побараат помош од терапевт. Обично им требаат неколку години пред да одлучат да побараат стручна помош.
Тие бараат помош, се разбира, со цел да ја спасат врската, но се чини дека откако ќе дојдат кај советник, мажите и жените доаѓаат со сосема различни поплаки за нивниот брак.
Според порталот YourTango, неодамна е спроведена студија која се занимавала со причините и мотивите за брачно советување. Таа покажа дека жените повеќе од мажите се грижат за сексуалната интимност, воспитувањето деца, љубомората, недостатокот на комуникација, губењето на довербата и стресот надвор од врската како фактори кои довелеа до проблеми, а потоа и до одење кај брачен терапевт.
Четворица експерти за врски ги издвоиле најчестите поплаки што ги слушаат од жените кои доаѓаат на брачно советување. Можеби се препознавате во некоја од нив, а доколку тоа се случи, важно е навреме да почнете да работите на проблемот за да не остави трајни последици врз вашата врска.
„Нашиот брак е заглавен и досаден“
Иако промените се дел од нашите животи, се чини дека поивеќето луѓе откако ќе го кажат судбоносното „да“, заклучуваат дека тоа е тоа и без премногу труд се препуштаат на секојдневието…
Најголемата загриженост што ја изразуваат мажените жени е дека нивниот брак станал заглавен, а другата страна не сака да направи ништо околу тоа. Заклучокот е дека на секоја врска треба да се работи за да се одржи жива и интересна, а иако рутината понекогаш е добра, сепак е добро понекогаш да се менува нешто, за бракот да не стане досаден.
Важно е вие како двојка да одвоите време да разберете кои се вашите заеднички вредности и интереси, а потоа да ги претворите во забавна активност што ќе го одржи вашиот брак интересен.
„Нашиот сексуален живот не ги исполнува моите потреби и желби“
Сексуалната некомпатибилност е една од најчестите причини за незадоволство кај мажените жени. Тие се жалат на терапевтите дека нивниот сопруг не ги разбира во најинтимните ситуации и не се грижи за нивното сексуално задоволство.
Проблемот е што, со одредени исклучоци, бракот е нецелосен без сексуално задоволство. Со текот на времето, тоа може да доведе до поголеми проблеми, па затоа е нешто на што секој пар треба да работи. Самостојно или со помош на терапевт.
„Чувствувам дека мојот сопруг ме игнорира“
Според еден од психолозите, во својата кариера видела многу несреќни мажени жени кои најчесто ги обвинуваат своите сопрузи и се жалат на осаменост за време на сеанси. Тие велат дека се чувствуваат напуштено, па дури и изгубено, што резултира со зголемен гнев.
Во исто време, сè уште постои голем притисок врз многу жени дека нивниот дом мора да изгледа на одреден начин, дека нивните деца мора да бидат совршени, дека мора да ги задоволуваат сите потреби на нивниот сопруг… Ако и самите чувствувате дека другата страна ве игнорира, дека сте сами во сè, време е да разговарате за проблемот.
„Мојот сопруг навистина не ме познава“
И, конечно, еден од најчестите проблеми на кои жените се жалат на терапевтите е тоа што нивните сопрузи навистина не ги познаваат.
Во таква ситуација, жената со текот на времето почнува да чувствува дека нејзиниот сопруг ја зема здраво за готово и навистина не ја цени. За да се спречи катастрофа, важно е да се реагира навреме, да се разговара за проблемот и, доколку е потребно, да се побара помош од експерти.
Пронајдете не на следниве мрежи:
