Печурките се одлично решение кога сакате да зготвите нешто за помалку од половина час. Тајната е во готвењето на силен оган, а одлични се како лесен прилог со месо или за вечера.
Печурките, како и компирите, можете да ги подготвите на неколку начини, но овој шпански рецепт, наречен Чампињонес ал чилиндрон, дефинитивно е еден од највкусните. Се динстаат во бело вино и со зеленчук, па се одличен прилог со месо или како лесна вечера. Тајната на овој рецепт е состојките да се готват на силен оган. На овој начин водата од печурките ќе се свари и на крајот ќе добијат неверојатна текстура и ќе ги впијат сите вкусови во тавата.
Потребни состојки:
3 лажици маслиново масло
10 големи печурки шампињони
1 мал кромид
4 чешниња лук
1 црвена пиперка
1 зелена пиперка
1 домат
½ лажичка блага пипер
½ лажичка сушена мајчина душица
120 мл бело вино
1 ловоров лист
грст свеж магдонос
морска сол
бибер
Подготовка:
Печурките измијте ги и исушете ги, а потоа исечкајте ги на 4 еднакви делови. Кромидот и лукот, како и пиперката се сечкаат ситно, а доматот се толчи. Во тава загрејте го маслиновото масло, па додадете го кромидот, лукот и пиперките. Промешајте и по 5 минути додадете ги печурките. Кога печурките малку ќе се испржат, околу 4 минути, додадете ги толчениот домат, блага пипер, мајчина душица, сол и бибер. Промешајте и варете 2 минути или додека ренданиот домат не се згусне, а потоа додадете го белото вино и ловоровиот лист, па оставете да врие 3 до 4 минути. Префрлете сè во сад за сервирање и посипете со ситно сечкан свеж магдонос.
