Зарем не звучи привлечно оваа неодолива комбинација? Ова е новиот џем што ќе заземе почесно место во вашата кујна.
Потребни состојки:
30 круши
1 килограм шеќер
1,5 лажичка цимет
1 лажица екстракт од ванила
1 лажица палента (за згуснување)
230 милилитри шампањ
Начин на подготовка:
Излупете ги, исчистете ги и исечкајте ги крушите на парчиња.
Во одделен сад промешајте ги шеќерот, палентата, ванилата, циметот и шампањот. Мешајте сè додека шеќерот не почне полека да се топи. Ставете ги крушите во тенџере, па посипете ги со смесата.
Ставете го тенџерето на тивок оган и повремено мешајте. Потребни се неколку часа за џемот добро да згусне. Откако добро ќе згусне, тргнете го тенџерето од шпоретот и ставете го во блендер. Истурете го во претходно стерилизирани топли тегли, избришете ги рабовите од теглите и цврсто затворете ги. На крај загрејте ги и теглите во рерна.
Уживајте!
