Десет загинати и седум повредени лице е билансот на тешка сообраќајна несреќа што се случи во јужниот дел на Романија. Романската служба за итни случаи соопшти дека се судриле камион и минибус. Во страотната сообраќајка животот го загубиле и возачите на двете возила.
Локалната полиција отвори истрага за причината за судирот, додека светските агенции јавуваат дека причина за несреќата најверојатно е лошата патна инфраструктура во земјата.