МИЦКОВСКИ: Името „северна“ Македонија го напишал пет пати во три реда текст во поднесокот до Собранието за избор на Влада

Во поднесокот на имињата на новите министри и програмата за нова влада, мандатарот Христијан Мицкоски во една реченица уставното име на земјава го користи три пати. Четвртиот пат го става покрај своето презиме како „мандатар за составот на Владата на Република Северна Македонија“, а го користи уставното име и горе, покрај презимето на Гаши – „претседател на Собранието на Република Северна Македонија“.

Во интервју на ТВ Сител Мицкоски изјави: „Заклетвата како нов премиер ќе ја дадам со уставното име на државата, тоа е јасно. Во моите настапи во странство ќе го користам уставното име на државата со придавката. Не можеме да се однесуваме со двојни стандарди, не можеме да бараме од граѓаните да ги почитуваат законите и уставот, а ние да не ги почитуваме. Но, во моите настапи дома и во давањето изјави ќе го користам името на мојата држава, а тоа е Македонија“.

На 5 јуни, Мицкоски кажа дека во говорите нема да го употребува името Северна Македонија, а сите документи и закони ќе ги потпишува со уставното име. Одговарајќи на новинарско прашање, рече дека негово елементарно човеково право е да ја вика земјата Македонија, а сè што е содржано во Преспанскиот договор и е дел од нашиот правен систем и уставен поредок, идната Влада на ВМРО-ДПМНЕ ќе го почитува.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.