Како го знаеле ова!? Еден детаљ останува мистерија, истрагата за убиство сè уште нема неодговорено на овие прашања

Зошто 14-годишната Вања Ѓорчевска е убиена неполни три часа по киднапирањето, ако намерата била да се бара откуп за девојчето? Дали ако планирале да бараат откуп, имале логистика – објект каде ќе складираат храна, вода? Истрагата работи на одговор на сите неодговорени прашања за киднапирањето и убиството на девојчето.

Со оглед на тоа што Вања била киднапиран во 7 часот и 30 минути, а убиена околу 10 часот, бидејќи, според еден од осомничените, „работите излегле од контрола“ и киднаперите почнале да паничат бидејќи потрагата по девојчето започнала, прашањето се јавува како дознале за статусот кога мајката објавила на Фејсбук дури во 12:08 часот, два часа по убиството на детето.

(Видео) Јакимовски се кандидира за шеф на државата!
Лидерот на ГРОМ и актуелен градоначалник на Општина Карпош, Стевчо Јакимовски денеска на прес-конференција по партискиот Конгрес официјално објави дека тој ќе биде кандидат за претседател на државата. – ГРОМ …
Песната на Израел за Евровизија може да биде дисквалификувана како премногу политичка
Европската радиодифузна унија (ЕБУ) размислува дали да ја дисквалификува израелската песна „Октомвриски дожд“ за Песна на Евровизија бидејќи содржи политичка порака, јавија денеска израелските медиуми, повикувајќи се на европски извори. …

Според извори од истрагата, детето било киднапирано во 7 часот и 30 минути, а околу 10 било убиено во атар на скопското село Бразда. Од центарот на Скопје се вози околу половина час. Патувањето на убијците траело подолго, во меѓувреме, застанале на бензинска пумпа за да наполнат кофа со бензин, со што подоцна го запалиле возилото украдено од претходно убиениот Панче Жежовски.

Дополнително, се поставува прашањето дали убиецот кој ладнокрвно уби дете, откако пет дена претходно убил друго лице, ова му е прво убиство во животот или не му затреперила раката затоа што тоа го направил претходно?

И материјалната состојба на главниот осомничен Љупчо Палевски ги меша мотивите. Како човек кој заработил милиони евра како градежен бизнисмен во 90-тите, градејќи бројни објекти во Дебар Маало, на крајот киднапирал дете за да изнуди десетици илјади евра?

Истражните органи се свесни дека има многу неодговорени прашања, но велат дека треба да одговори истрагата која штотуку започна.

Да потсетиме, синоќа во Турција беше уапсен првоосомничениот за двојното убиство, Љупчо Палевски Палчо.

Полицијата претходно приведе пет лица поради сомнение дека помагале или учествувале во киднапирањето и убиството на малата Вања и Жежовски. Меѓу нив е и таткото на малата Вања. На четворицата синоќа им е одредена мерка притвор до 30 дена.

Пронајдете не на следниве мрежи:©ПУЛС24.МК Вестите на интернет страницата на редакцијата ПУЛС24.МК може да се користат исклучиво за лично информирање. Без писмена дозвола од ПУЛС24.МК или посебен договор, не е дозволено преземање, користење или реемитување на вестите.