Четворица американски универзитетски професори се во болница откако непознат напаѓач ги избодел во јавен парк во Кина, јавува Би-би-си.Според соопштението од нивниот матичен колеџ, тие биле повредени за време на еднодневна посета на парк во провинцијата Џилин во северна Кина. Групата вчера била во посета на локалниот храм кога била нападната од маж со нож.Од американскиот Стејт департмент за медиумите изјавија дека Министерството за надворешни работи е запознаено со инцидентот, но дека засега немаат дополнителни информации.Во меѓувреме, кинеските власти не реагираа на инцидентот, а социјалните мрежи беа преплавени со слики од страшниот напад. Достапните натписи покажуваат најмалку три лица кои крварат и лежат на земја.

Како што пишува Би-Би-Си, инцидентот брзо бил цензуриран на кинескиот интернет, а пребарувањето за клучните поими не дало резултати и покрај фактот што сето тоа завршило во тренд на кинеската платформа за социјални медиуми Веибо.Инцидентот се случи во услови на заладени дипломатски односи, а оваа академска размена на студенти и научници е резултат на обидот да се олеснат заладените дипломатски односи меѓу Пекинг и Вашингтон.На пример, Си Џинпинг објави план да покани 50.000 млади Американци во Кина во следните 5 години. Во исто време, американскиот Стејт департмент издаде советодавно предупредување до Американците кои патуваат во Кина, што се верува дека обесхрабрило многу студенти.Без сомнение, овој инцидент уште повеќе ќе ги обесхрабри.