Грозоморен случај на семејно насилство е откриен во Честер, Велика Британија, кога мајка три години ја држела својата ќерка затворена во фиока во креветот без да и’ дозволи да ја види светлината на денот или да дише свеж воздух. Кога го пронашле девојчето, реакцијата на мајката ги изненадила сите присутни!Имено, жената била целосно мирна, без никаква реакција и емоции. Единствениот одговор кој го дала е потврдата дека ја чува ќерка си во кревет: „Да, во фиока е“.„Бев шокиран што мајката не покажа никакви емоции и се чинеше рамнодушно на спомнувањето на ситуацијата. Страшно е што детето цело време знаеше само едно лице“, рече социјалниот работник, пишува Manchester Evenings News.Девојчето во фиока го открил партнерот на жената кој од собата го слушнал детскиот плач. Кога ја отворил фиоката бил во шок. Тригодишното девојче било толку неухрането што изгледало како седуммесечно бебе. Како што подоцна било утврдено, мајката ја хранела ќерката преку шприц и само со млечна храна.Детето било пронајдено со повреди на телото, бушаво и запуштено. Имала видлива расцеп на непцето која никогаш не била медицински третирана. Таа не го знаеше нејзиното име. Ништо не можела да препознае бидејќи три години од животот не видела ништо освен лицето на мајка си.„Последиците за детето се катастрофални. Физички, психолошки и социјални“, рече рекордерот Стивен Еверет од судот во Честер.За време на едно испрашување, жената и’ рекла на полицијата дека не знаела дека е бремена и дека била многу исплашена кога се породила во 2020 година. Таа исто така рече дека фиоката во која се наоѓало бебето никогаш не била целосно затворена. Наводно, причина за ваквото однесување е насилниот однос кој го имала со таткото на детето, поради што не сакала тој да знае за неа.Мајката, чие име не е објавено за да се заштити идентитетот на детето, се изјасни за виновна по четири точки од обвинението.Девојчето никогаш не ги запознало своите браќа и сестри за три години од нејзиниот живот. Не прославувала празници со нив, ниту пак ја напуштила фиоката. За првпат била однесена во болница кога имала 10 месеци, кога веќе се забележувало дека е неухранета и дехидрирана. После тоа, нема информации дека мајката некогаш отишла на лекар.„Сè уште не е јасен мотивот за ваквото однесување на мајката. Сега останува на обвинителството. Наша работа е да го изведеме одговорното лице пред лицето на правдата. Тоа сега е сторено и се надеваме дека девојчето ќе се опорави и ќе се снајде да живее нормален живот“, рече обвинителката Рејчел Ворингтон.