Сакото е парче облека без кое не може да се замисли ниту една впечатлива дневна комбинација, а оваа сезона зазема посебно место на модните топ листи. Едноставно не можете да видите ниту една трендсетерка на социјалните мрежи без него. Па, доколку сакате да купите ново сако, а не сте сигурни за моделот, погледнете во продолжение што е најпопуларно оваа сезона.
Карирано сако
Карираното сако се враќа на врвот на модните листи и станува неизбежен моден тренд за есен 2018 година. Па, доколку сте љубители на овој дезен, есенва без сомнение ќе уживате!
Беж боја
Капутот со беж боја е класика, но кога станува за сако, ретко која жена решава да ја одбере оваа нијанса. Сепак, оваа есен, ова неутрално парче облека може да биде најдобрата инвестиција што некогаш сте ја направиле – и поради големиот број комбинации, и поради трендот.
Сомотски модел
Оваа сезона е во духот на „меките“ бои и удобните парчиња облека, па затоа и сомотското сако се најде високо на модната листа со есенски трендови.
