Девојките вечно се во потрага по некое едноставно, но интересно парче облека, кое можат да го носат од утро до вечер и да можат да го комбинираат на сто начини. Токму за такво парче облека зборуваме ние!
Дали сте го забележале на Инстаграм овој памучен топ со машна, по кој се полудени сите девојки кои ја пратат модата?
Оние кои го забележале, сигурно за многу кратко време го набавиле и го додале и ова парче облека во својот гардеробер. Станува збор за австралијанскиот бренд „Posse“, од којшто рачно изработената облека можете да ја купите само онлајн.
Опуштен крој и лесна ткаенина кои му даваат посебна убавина на ова парче, идеално за топлите денови.
Имено, ова безвременско парче е направено од инспирација на девојките кои носат „Posse“ дизајн, а можете да го најдете во две верзии.
Едната верзија е минимализиран топ, кој лесно се вклопува во сечија гардероба, а другата е топ кој со неговиот посебен ефект остава поинаков впечаток, кој кога ќе го погледнете нема да останете рамнодушни.
Без разлика дали машната е минијатурна или предимензионирана, секоја од нив ѝ дава неодолив шарм на модната комбинација.
